قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الاماراتي
01-09-2022 - 11:09 pm
اخواني الاعزاء السلام عليكم ورحمه وبركاته ابغي اعرف المطاعم الشعبيه الموجوده في الدوحه وبعد المطاعم الشاميه واحد من الربع قالي مطعم بيروت الموجود في شارع الكهرباء ما تحصل مكان تاكل فيه من كثر الزبائن اللهم زيد وبارك وشغلته بس الفول يعني مطاعم من نفس النوعيه تكون معروفه وعليهااقبال
مع محبتي.


التعليقات (9)
Moyen Orient
Moyen Orient
صحيح
مطعم بيروت عجيب ،، ولعبته الفول والحمص بس
عندك مطعم اليازي (إذا تحب العيوش) ،، بالقرب من دوار التشريفات قبل إشارات برج عبدالغني ..
عندك مطعم المجلس ، وفينيسيا في شارع السد
وشارع النصر ، كله مطاعم !!
وعندك مطعم عش البلبل ،، في شارع السد ، لعبته الفلافل
وعندك مطعم بخارا عند مجمع التنس والاسكواتش ،، أكلات هندية
وعندك مطعم ليالي ،، وفخر الدين ،، بالقرب من إشارات رمادا
وعندك مطعم السلطان إبراهيم في فندق الأنتركونتننتال ومطعم البحر في فندق الريتز كارلتون ، للأكلات البحرية
وشارع المرخية عندك كله مطاعم
ولاتنسى تجرب شوارما مرمرة استطنبول ،،
ولاتنسى كباب ،، شبستان في شارع السد عند مستشفى طوارئ الأطفال أو عند فندق مروب .. وأيضاً الشاطر عباس ، ومطعم السندباد ،، كله كباب × كباب
وإذا تبي أكلات كباب شعبية ،، عندك طرزان عند سوق الذهب ، وشجاع في نجمة ،، والشباب ايضاً في نجمة ،،
وإذا تبي صفيحة لحم ( أقدم مكان يسوي صفيحة لحم في الدوحة) ولا زالت محتفضة في طعمها ،، عندك مطعم عمر المختار في دواعيس فريج عبدالعزيز خ ،، أتحداك تدله ،، بس أسأل عن عيادة حسن عبدالله ، راح تدله ،، العيادة على يدك اليمين ،، وهو في اللفة الثالثة على اليسار ،،
تحياتي لك

أم الزين
أم الزين
ماشاء الله عليك يا بو محمد - تخصص مطاعم
ما خليت لي ولا مطعم ، بالله عليك ابغي ارد عليه واقول له ،
بس انت لا اله الا الله كفيت ووفيت ، بيض الله ويهك
صفيت كل المطاعم تقريبا
بس يا حليله اخونا الاماراتي ، شكله بيضيع في دواعيس فريج عبدالعزيز

الاماراتي
الاماراتي
مشكور اخوي بومحمد بصراحه كفيت وفيت وماقصرت.

Moyen Orient
Moyen Orient
حاضرين لك يالإماراتي ،،
أم الزين ،، تدلين معصرة شموس الي في السلطة هاهاهاها اتحداج تدلينها
الشباب كله مطيحين اهناك ( كرك ) وكيما هاهاها
تحياتي

أم الزين
أم الزين
بو محمد ، ما قالوا لك الهنود ان انا ( معزبتهم )
ترى شغل ( الكرك والكيما ) صنع ايديه وحياة عنيه ;)( ايش دخل )

بن بطوطة
بن بطوطة
رائع يابو محمد ماشاءالله عليك ( دليل شامل ) للمطاعم ، فعلا ماخليت مطعم فى قطر الحبيبة ، معقول يابو محمد انت مجرب كل هالمطاعم هذه ؟؟؟؟ :d :d :d :d بس ماقتلى أى أحسن مطعم فيهم ؟ ؟
بارك الله فيك 000
تحياتى

Moyen Orient
Moyen Orient
هلا اختي أم الزين ،،
ياحلاة كيما البيت وجباتي البيت الي بعد ساعة يصير خبز رقاق هاهاها
أخوي بن بطوطة
على حسب ذوقك ،، أيش تحب أنت ،، أكل هندي إيراني عربي شامي ،، اختار الأكلات الي تحبها وراح أدلك على أحسن مكان ،،
تحياتي لك

بن بطوطة
بن بطوطة
خليها يا خوى يابو محمد لما اجى الدوحة وأقولك وان كان مبدئيا احب الاكل الشامى بصراحة ، وجزاك الله كل خير
تحياتى

Moyen Orient
Moyen Orient
حياك الله اخوي بن بطوطة ,, وأسعد الأوقات أن نشوفك في دوحة الخير ،، ونتشرف فيك وبشوفتك اخوي ،،
أما بخصوص المطاعم الشامية ،، فعندك ( الروشة ) ،، وعندك ( السلطان ) وعندك ( المجلس ) و ( فينيسيا ) ،، وغيرها من المطاعم ،،
تحياتي


خصم يصل إلى 25%