وانت جاي من الدمام ودخلت الرياض
وانت طبعاً بتدخل مباشره على الدائري الشمالي
تابع اللوحات والمخارج لحد ما يجيك مخرج رقم (4) وكوبري منحي بإتجاه اليسار
أطلع مع الكوبري المنحني وهو يدخلك في طريق الملك فهد بعد دخولك في طريق الملك فهد تجاوز جميع المخارج حتى يجيك أول نفق(نفق العروبه) اللي فوقه برج المملكه بعد ما تطلع من النفق أمسك الخدمه واطلع من الهاي واي لحد أول إشاره (إشارة شارع التحليه) وتلف يمين وتمشي لحد الإشاره ( إشارة تقاطع التخصصي مع التحليه) وهذا الحي اللي قدامك حي المعذر
وصف طويل بس مفصل

احسنت اخي الكريم مهاجر وجزيت خيرا وفيت وكفيت...
تحياتي لك وللجميع

هلا ومرحبا
وان شاء الله تنور الرياض بوصولك لها وانت سالم بإذن الله

المعذر طويل عريض وين تبي منه
ولكن عندي لك راي ثاني وثالث
1. إلى وصلت مخرج 8 ونت جاي من الدمام لف يمين وإمسك الطريق الدائري الشرقي بإتجاه الجنوب إلين تاصل مخرج 13 (وسير علينا وتقهو عندنا) ومن مخرج 13 تروح يمين مع كبري الخليج في طريق مكة وسيده لا يمين ولا يسار إلين تاصل المعذر.
2. كانك ما تبي الزحمات إبتل مع إمتداد طريق الدمام (الدائري الشمالي) إلين تاصل الدرعية ومن تحت الكوبري عود جنوب وخل جامعة الملك سعود على يسراك وسيده إلين الحي الدبلوماسي وخذ الكوبري يمين وبيعودبك لطريق الملك خالد وهو أول المعذر.

اخي الكريم البعيد اشكر تفضلك على الرد الجميل ... وتعبتكم معاي
شكرا لكما
تحياتي

ونت جاي من الدمام أفضل شي أنك تتبع الوحات التي تقول الي مكه الين يجيك لوحه مكتوب عليها شارع العروبه ودخل مع شارع العروبه من اوله قبل الحي الدبلماسي واول اشاره لف يمين وتراك وصلت
ولك تحياتي والحمد لله عل السلامه