حياك الله أختي
بس ماقلتي كم ميزانيتكم لليله
ووين تبون موقع الفندق على الشانز او في مكان ثاني
طيب انا انصحك تسكنون في الشانز علشان تصيرون قريبين من كل شئ ومن القهاوي
وفي عندك فندق فرانكلين رزفلت _ فندق فندق نابليون _ فندق لابيلمونت
هذولي الفنادق اللي ذكرتهم تعتبر اسعارهم معقوله مقارنة بغيرهم اغلاهم واحلاهم فرانكلين روزفلت سعره حوالي 1300 ريال وارخصهم لابيلمونت سعره حوالي 800 ريال
وفي عندك كمان فنادق في منطقة اللاديفانس وأسعارهم ارخص من الشانز وأحلى من من بعض فنادق الشانز
بالنسبة للبرنامج شوفي الرابط هذا فيه برنامج لأهم الأماكن اللي في باريس مع الصور
https://artravelers.com/p/re/170642
والأسواق الرخيصه في عندك في اللاديفانس مول يعتبر اسعاره معقوله عن غيره اسمه Le dome وبرضو في عندك الغاليري لافييت هذا أكثر شئ مشهور في باريس بس أسعاره غاليه لأانه كله ماركات عالميه
وفي سوق اليهود ابو كير عند محطة strasbourg st-denis يبيعوون بالجمله واسعارهم تعتبر رخيصه
ان شاءالله اكون افدتك بس ياليت تحددين ميزانية السكن في الليله وترى أغلب فنادق باريس الحلوه والمرتبه غاليه

شكرا على ردكم السريع انا ارغب بالفندق القريب من الشانز وذكرولي فندق مريديان اتوال انا ميزانيتي من 800 الى 1200 ريال
بالمناسبه ايهما افضل ان انتقل بعد باريس الى انترلاكن (لانه الكل يمدحها) او اذهب الى لندن وكلهم اول مره سامحوني على كثرة الاسئله

sdn88
هلا وغلا أخوي
بالنسبة للفنادق اذا تبي ميريديان ايتوال هو سعره حوالي من 1200_1300 ريال هذا شئ
الشئ الثاني موقعه بعيد شوي اذا كنت تبي شئ على الشانز يعني تقريبا ربع ساعه مشي واذا انت سريع ومامعاك أطفال توصل قبل مثلي
اذا تبي فندق أقرب الى الشانز بالسعر اللي ذكرته عندك فرانكلين روزفلت سعره بالليله تقريبا 1300 ريال وقريب من الشانز ((يعني موقعه حلو))
واذا تبي بسعر أقل في عندك فندق Best western premier
وكمان فندق لابيلمونت Le Belmont وهذولي كلهم بالشانز واسعارهم اقل من 1000ريال بشوي
بالنسبه لأنترلاكن او لندن
على حسب انت وش تحب اذا تحب المدن اللي فيها صخب وسهر مثل باريس روح لندن واذا تحب الهدوء والطبيعه الخلابه روح لأنترلاكن
بس نصيحتي لك بما انك بتروح باريس روح لأنترلاكن علشان تجمع مابين المدينه اللي فيها سهر وصخب مع المدينه الهاديه واللي فيها طبيعه

جزاك الله خير على هالمعلومات القيمه بس انا طمعان في بعض الاسئله لو تكرمت
شكلي بقرر على انترلاكن لانه المنتدى مدحها كثير فودي اروح جنيف وانام فيها ليله ثم انتقل الى انترلاكن ثم باريس سؤالي كيف انتقل الى باريس من انترلاكن باسهل الطرق(بدون سياره)واوفرها واحسن فندق في انترلاكن تفضله؟

sdn88
هلا وغلا اختي مرره ثانيه
بالنسبة من باريس لأنترلاكن مالك الى قطار لأن اساسا انترلاكن مافيها مطار هذا شئ
الشئ الثاني انترلاكن بعيده عن باريس يعني المسافه 628 كيلو يعني تقريبا بالقطار 5 - 6 ساعات مع توقفات وتبديلات قطار فراح يكون متعب علشان كذا خلو روحتكم من باريس الى جنيف ((3 ساعات ونص بالقطار)) وتقدرون تجلسون في جنيف ليله او ليلتين وبعدها تطلعون منها لأنترلاكن ((ساعتين وشوي بالقطار)) وش رايك
اختك paris 4ever

أختي الكريمه
ممكن تسكني في فندق helton paris la defens
المنطقه رائعه جدا و متكامله(اسواق-مقاهي) ومحطه المترو تبعد عن الفندق دقيقه واحده مشي
السعر اذا أخذت 4 ليال يطلع عليك ب 144 يورو مع الافطار(افطار رائع بمعني الكلمه)
واذا حاسبتي بالفيزا خصم 10%
جربي الفندق لن تندمي
شكرا

الله يعطيكم العافيه جميعا

منطقة la defens بعيده عن الشانزيايزيه ؟

السلام عليكم
موضوع سوق أبو كير يهمني ولاحظت أن الأخوة يردون بشكل سريع جزاكم الله خير
سمعت عنه كثيرا بأن أسعاره معقولة جدا فبحثت عنه بالإنترنت فلاحظت أهم يكتبون بأنه سوق اليهود فما المقصود بذلك تحديدا ؟؟؟؟؟ وأن فيه أشياء غير مناسبة وصور غير لائقة ؟؟؟؟؟؟؟؟؟؟؟؟
أهم شيء هل هو فعلا سوق يهودي يعني البضائع اسرائيلية مثلا ؟؟؟؟؟؟؟؟؟؟؟؟؟ ام ما المقصود ؟؟؟؟
وماقصة الخلاعة أو الصور أو المناظر غير المناسبة التي سمعت عنها ؟؟؟ أرجو الإجابة قبل أن اتورط وأذهب إلى هناك مع زوجي وأولادي
وجزاكم الله خيرا