الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
kuwait2world
25-03-2022 - 02:41 pm
موضوع غريب شويه
في الكويت يوجد انواع من المطاعم والمقاهي اللي تختلف اشكالها وانواعها ولكن اليوم راح نتكلم عن المطاعم ذات الطابع اللبناني فقط
يعني فيلا وحديقه وطاولات وكراسي ومشويات وشيشه وفيروز وناس رايحه وناس راده وجرسونات واكلات لبنانيه
بالبدايه كانت في قصر النخيل من بداية الثمانينات وكانت له دعايه شهيره الي اليوم اتذكرها
(قصر النخيل الهادي رجعني لجو بلادي )
اكيد تذكرتوها اخواني الكويتيين او اللي كانوا يتابعون تلفزيون الكويت ايامها
المهم المطاعم هذي لها جو عجيب في بعض الايام
نذكرها اول واحد واقدم واحد
1- قصر النخيل - السالميه
2- بعلبك بالاس - السالميه
3- كلاسيكال - السالميه بجانب مارينا مول
4- جراند كافيه - السالميه بجانب مارينا مول دائما مزدحم.
5- قصر السرايا - السالميه رهيب.
6 - كافيه هاوس - السالميه ماجربته بس شكله موذاك الزود.
7- البردوني - الشعب البحري - شغل كلاس وجوه عالمي خصوصا كل مادخلت داخل.
8 - تنورين - الفحيحيل طبعا مايحتاج يكفيه بس انه بالفحيحيل جوه حلو وبعيد عن الازعاج والشيف اللبناني مالهم علي مستوى.
9- قلعة كلاسيكال - الاحمدي - بس اذا ما وياك صغار مو حلو لانه كله العاب اطفال.
علي العموم هذي نبذه عن المطاعم اللي من النوعيه واتمني انها اتعجبكم


التعليقات (6)
خالد الكويت
خالد الكويت
موضوع جميل تسلم ايدك اخوي كويت للعالم

الباحثة
الباحثة

يعطيك العافيه اخوي كويت تو وورلد ,,
ما شاء الله عليك و منين تذكرت دعاية قصر النخيل .
و بالنسبة لتنورين تغير مستواه وماهو مثل الأول ...
عموما خذ هالجم مطعم الي تذكرتهم ..
فيلا فيروز / الشعب ,,
ليالي الحلمية / شارع الخليج العربي ,,
أيام زمان / كراون بلازا ,,
البستان / الخليج العربي
ميس الغانم / الخليج العربي بقرب السفاره السعودية .
برج الحمام / الخليج العربي
قصر يلدز /أبراج حمود مقابل المثني
الطربوش / الشيراتون
قصر الدين / العاصمه
واذا تذكرت بعد برجع
تحياتي ..........

kuwait2world
kuwait2world
مشكورين علي التفاعل مع الموضوع
بس اختي الباحثه انا اقصد اللي بس نظام فيلا واللي قلتيهم بس فيلا فيروز اهو الوحيد اللي ينطبق عليه الوصف
برج الحمام حلو بس الجو مو لبناني بحت مثل اللي انا اقصده
واذا تبين مطاعم لبنانيه بس مو فلل لاتنسين الكبابجي اكلهم رهيب وقاعد ينتشر بشكل رهيب شكله بيصك علي المكدونالدز بالنسبه للفروع === راحوا فيها

الباحثة
الباحثة

مشكور اخوي كويت تو وورلد
بس قصر الدين و قصر يلدز وميس الغانم و البستان عندهم اماكن خارجيه مهيئه و تنقلك للجو اللبناني بالضبط حتي لوماكان نظامهم فيلا
وبالنسبة لكبابجي معاك حق يكفيك تاكل تبولتهم شي لا يعلي عليه فما بالك بباقي اكلهم ..
تحياتي .............

sheraze
sheraze
يعطيك ألف عافية ونتمنى منك الكثير إنشالله

kuwait2world
kuwait2world
تسلم لي حبيبي شيرازي وانشالله انكون علي حسن الظن


خصم يصل إلى 25%