- 2- صورة من جواز السفر.
- 7- رسوم التأشيرة 353 ريال او 60 يورو لمدة ستة اشهر ملتي فيزا.
بسافر باريس ان شاء الله يوم 27 ماي 2008 وسألت احد المكاتب السياحية عن رسوم تخليصهم للفيزا ولقيتة بمبلغ 700 ريال للجواز وسألت مكاتب ثانية ولقيت السعر بين 650 و750 وهم يسوون كل شيء طبعا هم يستوفون كل الطلبات بصورة وهمية يعني حجز الفندق والتأمين الدولي والتذاكر ويخلصون الفيزا بنفس الطلبات الي تطلبها القنصلية المهم عشان لا اطول عليكم قلت لأ انا بزينها بنفسي...................
رحت للقنصلية واخذت الأبليكشن والغريب ان جميع ابلكيشناتهم باللغة الفرنسية ما عندهم غيرها يعني يقولون بصورة غير مباشرة رح مكتب الله يصلحك ولا تتعب نفسك بس انا قلت معصي اخذت الابلكيشن ورحت للحلاق وخليته يترجمه لي بعد ما صورته المهم بقولكم على طلباتهم ...............
1- تعبئة لعدد 2 ابلكيشن لكل جواز مع وضع صورتين عليهم يعني بصورة مكررة وبنفس البيانات طبعا استغربت من هالطريقة بس يوم قدمت عرفت السبب واحد يكون مع الطلب وواحد ياخذة السكيورتي قبل تدخل مكتب التأشيرات.
2- صورة من جواز السفر.
3- تأمين دولي يغطي اكثر من 4000 الاف يورو (( عند التعاونية موجود هالتأمين بسعر 210 للشخص لمدة شهر طبعا انت حدد المدة على حسب موعد سفرك عشان يكون ساري اثناء السفر (اذا كنتم عائلة يكون فية تخفيض لقيمة التأمين)) التعاونية يعطونكم نسختين من هالتأمين واحد لك والثاني مكتوب نسخة السفارة.
4- حجز فندق وتذاكر سفر (( حجز الفندق احجز بأي فندق من النت واطبع ايميل التأكيد الي يجي منهم والتذكرة من اي مكتب يسويلك تذكرة الكترونية ويصورها لك وانا سويتها التذكرة بعشرة ريال من مكتب سياحي وممكن يسويها مجانا اذا تعرفة.(( ولا تنسى تلغي حجز الفندق بعدين اذا كنت موب ناوي تجلس فية (( طبعا يبيلك كردت كارد عشان يكون حجزك مؤكد)).
5- ورقة اثبات دخل يا ورقة تعريف من العمل موضح فيها الراتب او سجل تجاري يكون بأسمك مع كشف حساب من البنك لمدة ستة اشهر .(( اذا كان العمل قطاع عام ختم الورقة من شؤن الموظفين واذا من قطاع خاص تصديق الغرفة التجارية))
6- صورة من البطاقة الشخصية او بطاقة العائلة.
7- رسوم التأشيرة 353 ريال او 60 يورو لمدة ستة اشهر ملتي فيزا.
القنصلية الفرنسية العامة بجدة تقبل التقديم للفيزا ايام السبت والاثنين والاربعاء من الساعة 8 الى 9ونص صباحا . وايام المراجعة للفيزا الأحد والثلاثاء من الساعة 9 الى 12 .
المهم جهزت اوراقي ورحت للقنصلية على الساعه 8 صباحا وصراحة زحمة بس عندهم نظام حلو بالدخول اول من يدخل الدبلوماسيين او الجوازات الدبلوماسية بعدين جوازات العاملين بالشركات الفرنسية وبعدين اصحاب الجوازات الشخصية الي مثل حالتي واخر شيء معقبين الشركات السياحية والي يحملون جوازات غير شخصية......
ممنوع بشكل نهائي ان يكون معك موبايل فخلة بالسيارة او ما دخلنا وقفنا سرى داخل القنصلية ووزعو علينا ارقام والغريب انهم ما يشيكون على الاوراق وعلى الساعة 9 دخلنا داخل قسم التأشيرات ومافي لا مقابلة شخصية ولا شيء اخذو الاوراق والجواز والرسوم وعطونا رقم وقالو راجعنا الظهر من الساعة 2 الى الساعة 3 ونص ورجعت الظهر وكان يوم 12 ماي وعطوني الجواز مختوم وعلية تاريخ 25 ماي موعد المراجعة وطبع الفيزا طبعا ممكن احد يقول ليش كل هالتعب كان عطيتها مكتب وريحت بالك بس انا بقولكم وش الفرق.
اول شيء من ناحية السعر لو اني اخذت السعر المتوسط والي هو 700 ريال كان كلفتني 3 جوازات 2100 ريال وانا اعتبر بدون تأمين طبي دولي لأن التأمين كلفني 615 ريال لي ولزوجتي ولولدي ومع رسوم السفارة 1059 ريال يعني وقفت علي ب 1759 ريال بس مع تأمين طبي حقيقي موب همي لا سمح الله ممكن يغطي لك اي شيء طاريء اثناء السفر من سرقة او مرض لأن تأمين التعاونية يشمل طبي وطواريء السفر حتى ضياع العفش او التأخير بالسفر اي شيء طاريء يشملة هالتأمين بعكس المكاتب الي تأمينهم وهمي.
والشيء الثاني اذا رحت بنفسك تظمن الدخول لان مندوبين المكاتب ما يظمنون الدخول لان القنصلية ما تدخل الا 100 جواز يوميا يعني انت تظمن التأشيرة بعكس لو كانت بمكتب يقولك ما خلصت او بكرة وبعدة.
واخر استفادة انك تكون عرفت الطريقة واستفدت وراح تنفعك مستقبلا .
وانا حاضر بأي اسئلة منكم بخصوص الفيزا .
في امان الكريم لكم جميعا
