جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ســـاهــر
26-11-2022 - 02:06 am
  1. 3. انتشار المخدرات انتشار رهيب خصوصاً حبوب ال Xtc


في البدايه اعتذر لعدم وضع صور لأننا سافرنا وكل واحد منا اعتمد على الثاني يجيب كاميرا ولا احد منا جابها
اقلعنا من مطار الرياض الساعة 9 في الليل يوم الأربعاء تاريخ 11/8 على الخطوط الإماراتيه ووصلنا دبي الساعة 11 وانتظرنا في مطار دبي إلى الساعة 3 الفجر ثم اقلعنا على جاكرتا وفي الطريق نزلنا في مطار كولومبو (سيرلانكا) نزل ركاب وطلع ركاب ومن ثم اقلعنا ووصلنا مطار سنغافوره وطلبو منا النزول من الطائرة وجلسنا قرابة ساعتين في مطار سنغافوره واتجهنا لمنطقة المدخنين ولمن شفتها قلت انا ما ابي اتحرك من هنا من روعة المنظر ومن ثم اقلعنا واتجهنا لجاكرتا وكان الوصول الساعة 7 مساءاً من يوم الخميس 12/8
وصلنا لجاكرتا وكان معنا واحد اكثر أقربائه في جاكرتا ، استقبلنا ابن خالته ومن ثم توجهنا نبحث عن فندق ومرينا على اكثر من فندق وكانت كلها فل وفي الاخير لقينا فندق هادئ اسمه قرين عاليه تشكيني اقمنا فيه ليلتين ومن ثم اتجهنا لمنزل صاحبنا واقمنا فيه ليلتين وبعد كذا اتجهنا لشقق ألسون واقمنا فيها لأخر يوم لنا في جاكرتا طبعاً طلعنا الجبل واقمنا فيه ليلتين في فلة صاحبنا. خلال المده هذه زرنا اماكن واسواق كثيره مايسعني الوقت اذكرها. في الجبل دخلنا مطعم كبير يعتبر اكبر مطعم في الجبل واكلنا الكله اسمه ساتي عبارة عن دجاج و لحم مشوي يقدم بأسياخ مع السلطه الاندونيسيه ، اللي يطلع الجبل لا تفوته الأكله هذه . كانت هذه اول سفره لي لجاكرتا الأشياء اللي عجبتني فيها بساطة أهلها ولكن مشكلتهم أنك ما تسلم من تعليقاتهم سواءاً في الأسواق والمحلات والمطاعم ، معنا اثنين من الشباب يتكلمون اللغة الاندونيسيه بطلاقه وكانو يعلمونا عن التعليقات هذه. الآمان حيث اننا لم نتعرض للسرقة والحمدالله في أي مكان. طيبة اهلها مستحيل ما تقابل شخص إلا ويبتسم لك ولكن يبقى الحذر موجود أحياناً الطيبه يصاحبها خبث. صادف توجدنا في جاكرتا يوم الاستقلال لإندونيسيا تاريخ 17/8 وكنا راجعين للفندق الساعة السابعة صباحاً ووجدنا كل اهل جاكرتا مجتمعين في الحديقه الكبيره ما اذكر اسمها اللي فيها البرج اللي فيه 30 كيلو ذهب وكان منظر جميل الجميع بالزي الرسمي سواءاً من الشرطه والجيش والشعب.
الاشياء المزعجه في جاكرتا
1. كبر البلد والزحمه يعني اقل مشوار تاخذ فيه نص ساعة. 14 مليون نسمه في جاكرتا فقط.
2. كثرة الدبابات المزعجه في الشارع والدخان المتصاعد منها يعني انسى تطلع تمشي على رجولك بسبب الغبار والدخان.

3. انتشار المخدرات انتشار رهيب خصوصاً حبوب ال Xtc

4. منظر الشياب السعوديين اخر الليل. وكثرة الشباب السعوديين السكارى ومشاكلهم.
لدى صاحبنا في جاكرتا اصدقاء وصديقات من اندونيسيا واستراليا وكانو يتسألون غريبه اصحابك من السعوديه ما نشوف بنات معاهم ، وكان يرد عليهم ان اكثر الشباب السعوديين يأتون لغرض المتعة وتغيير الجو وليس لغرض الركض وراء البنات.
هذا ملخص للسفره وآآآآآآآآه يا جاكرتا كانت اول سفره وانشالله ما تكون الأخيره وموعدنا العيد انشالله يا جاكرتا.


رحلتي الى اندونيسيا
التعليقات (9)
saud
saud
الحمدلله على السلامه اخوي ساهر نورت المنتدى ..
اخوي ساهر انت رايح في طياره والا نقل جماعي

ALSAAMR2002
ALSAAMR2002
اخوي ساهر الحمد لله على السلامة
لكن اندونيسيا ما هي جاكرتا و الجبل وصدقني فقدت متعه لم تكن تحلم بها لو انك تجولت في المناطق السياحية المذكورة في المنتدى عموما بما ان هذه السفرة الاولى لك للعمة فالوضع طبيعي ولكن في المرات القادمة حاول قد ما تقدر انك تخلي جاكرتا للتسوق فقط وفي الايام الاخيرة من رحلة العودة وباقي الايام قسمه على المناطق السياحية الجميلة في اندونيسيا
على فكرة المرة هذي سماح لكن المرة الثانية الصور فيك فيك
تحياتي لك

ســـاهــر
ســـاهــر
اخوي سعود وازيدك من الشعر بيت في الرجعه اقلعنا من جاكرتا ونزلنا في مطار بانكوك نزل ركاب واخذنا ركاب واقلعنا على دبي ومن بكره اقلعنا من دبي إلى الرياض.
ادري مشوار وجانا دوار البحر من كثر ما نقلع ونهبط. وش نسوي هذا خط السير على الخطوط الإماراتيه.
اخوي Alsaama منك العذر والسموحه مثل ما تعرف هذه اول طلعه ودايم الطلعه الأولى تكون فيها اخطاء كثيره الواحد يتفاداها في الطلعات الجايه ولكن في كم صوره اتصورناها في الجبل بحاول اخذها من جوال صاحبي واضعها في المنتدى.

ALSAAMR2002
ALSAAMR2002
هلا وغلا اخوي ساهر
ترى امزح معك كلنا في اول سفرة طحنا في اخطاء ولكن تفادينها في السفرات اللي بعدها وانا هنا من باب النصيحة فقط ذكرت هذا الموضوع وحرص على ان يتمتع عشاق العمة بكل شبر فيها
اخوي ساهر شاكر لك تفهمك قصدي مع تمنياتي لك برحلات ممتعه وسعيده
تحياتي لك

رادن صالح
رادن صالح
الحمد لله على السلامه

ibrahim_k
ibrahim_k
الاخ ساهر
الحمد لله على السلامه
ذكرت , اخي الكريم , التالي : ( كانت هذه اول سفره لي لجاكرتا الأشياء اللي عجبتني فيها بساطة أهلها ولكن مشكلتهم أنك ما تسلم من تعليقاتهم سواءاً في الأسواق والمحلات والمطاعم ، معنا اثنين من الشباب يتكلمون اللغة الاندونيسيه بطلاقه وكانو يعلمونا عن التعليقات هذه)
ممكن ان تعطينا بعض الامثله , ان سمحت ؟؟؟

ســـاهــر
ســـاهــر
ابشر اخوي ابراهيم من بعض الأمثله ، كنا في سوق اتريم ودخلنا محل ملابس رجاليه وكان يبيع فيه بنتين اندونيسيات وكنا نتكلم معهم انجليزي إلا وحده كلمت الثانيه باللغه الاندونيسيه والثانيه ضحكت ، لمن طلعنا من المحل قال لنا صاحبنا تدرون وش قالت البنت ؟ قلنا لا ، قال : قالت وش جاب هالاطفال لجاكرتا ؟
ومن بعض الأمثله صراحه كلام ما ينقال يعني الواحد يستحي يكتبه واذا حاب انك تعرف ممكن ارسلك على البرايفت يا ابراهيم.

فيصل الراي
فيصل الراي
حمد لله على سلامتك أخوي
سلامة الأسفار
حيبت أخوي أسألك عن سعر التذكرة مع انها ترانزيت صعب التحمل ما أدري كيف تحملتوه كل هالتعب
على العموم تجربة ودك الواحد يجربها عشان يمكن ينزل بدبي ويأخذ منها بعض الشغلات اذا أمكن
وينزل في دولة أخرى يستفيد ..
بس ياليت أخوي تذكر سعر التذكرة

القنيط
القنيط
حمدلله على سلامتك ساهر
لمن طلعنا من المحل قال لنا صاحبنا تدرون وش قالت البنت ؟ قلنا لا ، قال : قالت وش جاب هالاطفال لجاكرتا ؟
قويه قويه


خصم يصل إلى 25%