بـوخالد
30-11--0001 - 12:00 am
يعطيكم العافية جميعا هنا في بوابة السفر الى فرنسا
ياجماعة انا انشالله قررت اسافر مع زوجتي لقضاء شهر العسل في باريس ولندن ومنها الى امستردام
واتمنى وقفتكم معي لأني اول مره اروح باريس وماعرف شي فيها وماعرف بالقطارات وماشبه ذلك ؟؟
انا بطير من الكويت الى بارس في تاريخ 26 يوليو 2008 وحاب اعرف جم دقيقة من مطار
باريس الى الشانزليزيه ؟؟ وماهي الوسيلة المناسبة للذهاب من المطار الى الشانزيليزيه ؟؟
ويريت انكم تفيدوني بفندق ممتاز وقريب من برج ايفيل ويكون بالشانزيليزيه لأني بقعد فيها اول
يوم فقط من اجل زيارة برج ايفيل واليوم اللي بعده بروح ديزني لاند وهم ابيكم اتفيدوني عن المسافة مابين الشانزيليزيه وديزني لاند وماهي الوسيلة التي اذهب من خلالها لأني بقضي 3 ليالي في ديزني لاند وابيكم اتفيدوني عن فندق ممتاز قريب من المدينة ؟؟
وبعد ان اقضي 4 ايام في باريس اريد نصحتكم في ماهي الوسيلة المناسبة للذهاب الى لندن بالتحديد شارع اكسفورد والاجوورد رود ..؟؟
وبالنهاية اتمنى انكم ما تبخلوا علي بمعلوماتكم الرائعة وانا كلي ثقة في مشرفي هذه البوابة
شكرا مقدما
==================
بالنسبه لسؤالك عن يورودزني ياخوي تراها صغيره واما انصحك تقعد فيها 3 ايام كثير وملل ترا الناس يرحون لها ويرجعون بنفس اليوم ويمديك تشوفها كلها في يوم واحد تروح الصبح وترجع بالليل بس لا تروح يوم ويك اند يعني السبت والاحد لانها زحمه واذا مصمم تقعد فيها اقعد يومين بالكثير حرام تنزل في باريس ليله وحده بس !! ..>>وجهة نظر مايمديك تشوفها زين
بالنسبه للرجوع من باريس الى لندن فدزني مافيها قطار حسب علمي لازم تنزل باريس وتروح من هناك
و بالنسبه للانتقال بالقطار الى لندن بصراحه ماجربته الاخوان يقدرون يفيدونك اكثر وممكن تشيك اسعاره عن طريق الانترنت مو موقعهم موقع اليوروستار
بالنسبه لسؤالك عن وسيله الوصول من المطار الى الشانزليزيه فاعتقد الاخ يقصد التاكسي سوري جاوبت عنه بس لاني شفته مارد عليك
اما بخصوص سؤالك عن كيفيه الوصول الى دزني من باريس فيه محطه باول الشانز جهة قوس النصر محطه اندرقراوند من هناك فيه خط مباشر ما يضيع ابدا ودنزني تكون في اخر محطه