باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Genes
27-02-2022 - 12:11 am
مرحبا
لي اكثر من 3 اسابيع وانا احوس وماسويت شي للحين من ناحية الفنادق -- فقط فندق واحد
حجزنه لمده معينه . ياليت تساعدوني جداا شاغلني موضوع السفر وقلب نفسيتي
لدرجه اني وانا في الدوام اوسوس في الحجوزات وانه ماراح يمديني
اسوي شي
1) هل تكلفة 50000 ريال كافيه لثلاث اشخاص لفترة 23 يوم ؟
في بالي جدول كالتالي ولكن أخاف اعتمده وبعدين اتوهق في التكاليف !
1) 10 ايام في برشلونه
السكن = 10000 ريال
الصرفيه لثلاث اشخاص =10000 ريال
المجموع = 20000 ريال ---- هل هي معقوله وممكن تمشينا ؟
2)10 ايام باريس
السكن = 10000 ريال
الصرفيه لثلاث اشخاص = 10000 ريال
المجموع = 20000 ريال ... هل هي معقوله بالنسبه للغلا هناك ؟
3) جنيف 3 ايام
السكن= 3500 ريال
الصرفيه لثلاث اشخاص = 3000 ريال
القطار لثلاث اشخاص = 1000 ريال ذهاب وعوده تكفي واذا لا كم يبغالنا ؟؟ بالنسبه لسعر القطار من باريس لجنيف ماعندي خلفيه عنه ياليت تزودوني بالسعر ..
4) المجموع الكلي = 47500 ريال
  • تذاكر السفر من الرياض لباريس ذهابا وعوده

و من باريس لبرشلونه ذهابا وعودة خارج الحسبه .
ارجو افادتي بليز اذا التكاليف هذي اقدر انجز فيها رحلتي او لا ؟؟ ضروري الله يعافيكم .


التعليقات (3)
ممساح
ممساح
عشان تسهل على نفسك مهمة التخطيط
1- أكتب جميع أسماء الفنادق إلى تعرفها أو سمعت عنها
2- أكتب أمام كل فندق سعره
3- أكتب أمام كل فندق ميزتين وعيبين فيه
4- أبدأ بشطب الفنادق إلى ما تناسبك واحد تلو الاخر
5- راح يصفى معاك فندقين أو ثلاث فقط
6- شوف شنو قالوا الاعضاء عنهم في هاالمنتدى أو في مواقع أخرى
7- أختار
العمليه يجب أن لا تتجاوز في أبعد الحدود يومين
ملاحظة:
باريس أعتقد وايد عليها 10 أيام ............. بحد أقصى 7 أيام
وخل حق جنيف 6 أيام وزعها كالتالي (لوزان - أنسي - شامونيه - مونترو - إفيان - إنترلاكن)
سؤال أخوي ............. 10 أيام برشلونه ؟؟؟؟؟؟؟؟؟؟؟؟؟!!!!!!

Genes
Genes
ممساح
يعطيك العافيه أخوي وبالنسبه لبرشلونه عندي مؤتمر هناك وهذا اللي اضطرني على قضاء 10 ايام
لكن اخوي مااعطيتني جواب على هل الصرفيه في برشلونه وباريس وجنيف نوعا ما كافيه ؟ بالنسبه
للتسوق مااظن بذا المبلغ راح اقدر اتسوق لكن هل تعتقد انها تمشينا ؟
عندي اسئله عن اسعار الماكدونالدز والهاجن داز وستاربكس كيف اسعارهم هناك ؟
يعني لو قلنا الكروسون من ستاربكس هنا ب 7 ريال .. هناك تقريبا بكم ؟؟؟
بالنسبه لوجبات الغذائيه من ماكدونالدز هل اسعارها مثل هنا ؟
سؤال غريب صح؟ بس مهم .
هل عندك علم باسعار تذاكر القطار من باريس لجنيف ذهابا وعوده ؟ ياليت تفيدني الله يجزاك خير.
بالنسبه لتخطيطك لزياردة جنيف والمناطق القريبه منها ممتاز بس اخاف ماتكفي المصاريف لذلك
خلنا على برنامجنا .
بالنسبه للفنادق وربي مره تعبت حاولت وجمعت اسماء كثير بس ليومك ذا مااستقريت على شي
خاصه في باريس مره السكن غالي وخاصه انه احنا 3 اشخاص ونبي غرفه وحده فأكثر الفنادق ماعندهم
triple room واللي عندهم مره غاليه.
ارجع واسألك بالنسبه للصرفيه تعتقد 1000 ريال يوميا كافيه لاكل والشرب وزياره الاماكن السياحيه ومشاوير المترو لثلاث اشخاص؟؟؟ مهم هذا السؤال
سؤال اخر : كم سعر تذكره المترو؟
يعطيك العافيه .

بعدين اسافر
بعدين اسافر
اخت Genes
وانتي لسى مارحتي ... ولا سوويتي شي !!!
عموما انا اشووف لك خطه السفر فيها غلط .. اول شي على باريس كثير 10 ايام
وحتى على البرشا (( برشلوونه )) كثير عشر ايام .. مادام رحلتك كذا خليها
باريس سبع ايام ...
برشلونه اربع ايام ..
اطلعي لماربيا .. روعه بصراحه وتستاهل العنووه وخليها اربع ايام ولاتسكني الا في البرتو بينوس
وبعدها جنيف اربع ايام .... يفضل تكووني قريبه من البحيره
انترلاكن اربع اياام
كذا اشووف احسن لان برشلوونه وباريس حرام عشر ايام


خصم يصل إلى 25%