ابها المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
غيوره
06-10-2022 - 02:13 am
  1. وأبشركم..


ورجعنا للحر والرطوبه..وتركنا المطر والبر..
وصلت أمس الساعه 3,15صباحا...ومشينا من أبها 4,30 عصرا..
رحنا وجينا عن طريق الساحل والدرب..
كانت أبها الجوا يجنن وغير أمس جانا برد في الشوراع على الزرع كأنه ثلج والمطر ياسلام..ماكان ودنا نرجع ونترك هالبرد والمطر..بس عندنا عرس أقاربنا ولازم نرجع..
لاتفوتكم شيء الخضره كلام..والجو أروع مايكون..نفسي أبكي أبغى أرجع لها..

وأبشركم..

راحت شنطتي والكميرا والفلم اللي كنت مصوره لكم المناظر..مأدري إنسرقت طاحت الله أعلم عهدي بها تحت رجل أختي وإحنا نتفرج في الطرطيع..حقت أبها الجديده..في الشارع اللي جنب حديقة السد المقابل لأبها الجديده..:rolleyes:
بس الشنطه مافيها شيء إلا أدوات تجميل(أرواج ومحددات وظل وغيره) والكميرا اللي مستلفتها وسويت الهوايل عشانها وإتصالات وترجي كنت بأوريكم جمال الطبيعه اللي شفته ياربي وش خضره تجنن أبها هالسنه خاصه أنا رحنا لها بعد فتره من الأمطار يعني نبت الزرع والعشب على هالمدرجات الخضراء والغيوم
مايحتاج..وعلى فكره كنت شايله معي ورقه وقلم أكتب لكم الطرق والملاحظات..وكنت طول ماأتمشي أتذكر المنتدى..وأحاول أفيدكم بس الورقه راحت مع الشنطه..
وماشاء الله فيه كثير سياح من الخليج..اه كل ماشوف سياره مكتوب عليها الكويت..أقول يارب الباحثه تكون..ياسلام يالباحثه لو قابلتك في أبها تصير رحلة كل وناسه وفله على قولت أهل نجد..(ترى إذا كانت فله سبه أسحبوها لأن وحده من زميلاتي فهمتني فله بمعنى الفرحه الشديده والإنبساط)..
والحمدلله أنبسطت كثير وخاصه مع اللي معانا..لأنا دائما مانروح أبها الإمعاهم


التعليقات (9)
العطر
العطر
الحمد لله على السلامه .........................
وربي لو قلتي لي الله يهديك ... كان استقبلتك انا وابن بطوطه والشباب بالورد ( التبوكي) >>> من اهل الشمال
زعلتيني والله ....
على فكره ..... الله لايهينك ابي ( الاب توب) حقك وربي محتاجه ضروري.... لان مكان وضيفتي في منطقه ... نائيه ومحتاج الاب توب حتى اتواصل معاكم...
وربي كان عندي لاب توب ( شريته من الكليه قبل التخرج) بس مره فقدته وكان سويلم ولد عمي الله
يقطعه مختفي ...
المهم رجع سويلم بعد 10 ايام .... قلت له ( وانا زعلان ) سويلم .... وين الاب توب حقي ؟؟؟؟؟؟
قال لي : معليش ي( العطر) ههه ترى مو هذا اسمي .... قال لي: بعته ورحت مع الشباب سوريا
وربي يالغيوره على طول:
( صكيته بكاسة الشاي) إلا يوم جبهته ورمت ... صارت مثل الطماطم....
ويزعل : عاد لو راح لبنان تنبلع .....لكن سوريا ..... لا وراح بقيمة الاب توب
المهم راح الاب توب...... ورحت انا وياه
الحمدلله على السلامه.... اختي الغاليه ....... ورحله سعيدة......
بصراحه افتقدناكم...ههه ( واحد نصاب) ;)
اخوكي / العطر

غيوره
غيوره
ياهلا فيك أخوي العطر..
أنا كتبت موضوع قبل مأروح بأقل من ساعه..بس أنحذف ليه مأدري..
وماكنت أصلا متوقعه أسافر لأبها ولا لغيرها..هالسنه قلت إذا رحت للمدينه نعمه..:rolleyes:
بس أتصلوبي الساعه وحده في الليل وكانوا ماشين الساعه ثنين بالليل في نفس اليوم وبسرعه أجيب الشنطه وأحط ثيابي..وبسرعه أكت أدوادتي وألبس..لأنهم لزموا علي إلا أروح..يقولون ماتحلى القعده بدوني ..لأني أونسهم..;)
وبعدين تعال ..وأنا أشوف الشنطه ليه راحت مني..أتريك هني قاعد تدعي علي..وتخطط على الاب توب حقي..
وأنا ياغفل لك الله..
والاب توب..لو وفرت فلوس سفراتك لسوريا وحطيتها في لاب توب ولا حاسب ..كان أحسن لك...
ومأدري وشفيك حاط دوبك ودب لاب توبي ..ترى لو يصير له شيء ..أقول أنت السبب..

مهاجر
مهاجر
الحمدلله على السلامه

KABAYAN
KABAYAN
هلا والله أختي غيورة والحمد لله على السلامة
والحمد لله على كل حال ،،، والكمره بدالها 10 بس المهم ما تكونين مصورة نفسك وأهلك فيها وتطيح بيد واحد ما يخاف الله ،،،
بس هذا ما يمنع من أنك تكتبين عن أهم الأماكن اللي رحتي لها وتعطينا من خبراتك،،،
لأني من جد على كثر ما لفيت بس للأسف ما بعد زرت المنطقة كل مره يروحون الأهل أقول أروح لها انا والمدام أن شاء الله اذا تزوجت،،،
والظاهر شكل الدعوة مطولة،،،

غيوره
غيوره
هلا فيك...والله يسلمك..أخوي المهاجر.. عقبال ماتسافر ونتحمدلك في السلامه..
حياك..أخوي كبيان..والله يسلمك..
صح الكمره بدلها عشر كميرات إذا كانت لي..بس حقت الناس بدالها عشر كفوف..موكمرات..عارف اللقافه الله يهديك..مانصبر..
وأحاول إن شاءالله اللي أتذكره..
بس لاتفوتك روح جمعت شباب وأكتشفها..أكيد راح تنبسط..أكثر..
هذاي السنه أغلبها قضيناها في السوده..بس كل يوم نكتشف منطقه جديده..ونبحث فيها ونلقى مطلات..وشفت أرنب بري..يجري في الجبل..أكثر من ثلاثه..بس كانت كبيره كبر البسه..ولونها رمادي..فرحت كثير يوم شفتها..
وبعدين مادام لفيت العالم ..أخاف أبها ماتعجبك وأنت شايف أحسن منها..
لكن إن شاء الله إذا قدرت أدبر لكم صور بس ماأوعدكم..بها..
لأن أختي قضت فيها الأجازه..حوالي 23يوم وكانوا بيغون شهر..لولا أن الفلوس خلصت مايبغون يرجعون..ويتركون الجو والبرد..

الابداع
الابداع
من السوده بقلك الحمدلله على السلامه وعساها اعجبتكم السوده وان شاء الله ترجعون لنا العام القادم والله يعوضك عن الكمره الي ضاعت منك

غيوره
غيوره
الله يسلمك ياخوي..
ماشاء الله من السوده..تكلمنا..أكيد منبسطين بالجو...
إن شاء بس ودي أقضي أقل شيء شهر مع الجو الرائع..وصراحه عجبتني كثير السنه الماضيه كمان كنت فيها..
وهالسنه ماكنت متوقعه أبد أروح..لكن سبحان الله..4مرات زرتها..
وياخوي إذا كانت عندك صور ..لأبها نزلها..بيحث تكون شخصيه من أماكن زرتها..
ومشكور على المرور أخوي..

نايف2004
نايف2004
الحمد لله على السلامه انا وصلت مع العائله من ابها امس الليل وصراحه روعه
وخاصه السوده بس فيه ملاحظات راح اذكرها في موضوع خاص عن السياحه في ابها عموما
تحياتي

غيوره
غيوره
الله يسلمك ياخوي..نايف 2004..والحمدلله على سلامة الوصول..
إلا ياخوي...ماسمعت دق دفوف في السوده..
وعجل علينا بموضوعك ياخوي..والله يعينك على الكتابه..
أنا نزلت عن رحلتنا السنه الماضيه..والآن قاعده أزبط فيه..وناويه أنزل بعض المواضيع عن أبها إذا ربي سهل إن شاء الله..


خصم يصل إلى 25%