فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ام سلوم القطرية
16-02-2022 - 10:05 am
الله يخليكم ساعده مهمه احنا مقررين انسافر فرنسا بلجيكا في الصيف على تكون الرحله اربع ايام فرنسا ويومين ديزني واربع ايام بلجيكا لكن اشلون اروح بلجيكا عن طريق فرنسا او ديزني وشنو الفنادق الرخيصة


التعليقات (7)
بعدين اسافر
بعدين اسافر
هلا اخت ام سلووم ...
خلي دزني لاند وكمليها في باريس .. لانك تقدرين تروحين الصباح وترجعين المساء
وبعدين بلجيكا تبعد حوالي ساعه ونص عن باريس بس انا اشووف اربع ايام في بلجيكا كثير ...
والفنادق الرخيصه شووفي كنكورد لافييت قريب من الشانز ورخيص شووي ... لو تكرمتي حددي السعر
التقريبي ... وان شاء الله نقدر نفيدك

ام سلوم القطرية
ام سلوم القطرية
هلا اخوي ومشكور على الرد ابي الفندق بحدود 600 الى 800 على الاقل احنا وايد ماتسوه انحط فلوسنا على فنادق فب اشياء اهم طيب قولي بالنسبه حق التمشي بالباص والا سيارة اجرة افضل رد الله يسترها معاك

بعدين اسافر
بعدين اسافر
هلا خيتوو ...
انا ارشحلك فندق Le Belmont ,,, اشووف اكثر اللي بالمووقع قااعدين يحجزوون فيه بس
ترااه بعييد شووي عن الشاانز ... وعندك الكنكورد لافييت ...

news
news
مراحب
اعتقد احسن شئ واوفر شئ انكم تاخذون سياره تأجير تساعدكم في تنقلاتكم
وتسكنون في منطقه الديفانس بتكون رخيصه وحلوه ومعاكم السياره يعني توفير ومكان راقي

خياط الطرق
خياط الطرق
الذهاب من باريس الي بروكسل احسن شيء بالقطار السريع الشخص الواحد بسبعين يورو
واحسن شيء الذهاب الي بركسل يكون يوم الخميس والجمعة والسبت والاحد
لان في هذه الايام تكثر الاسواق الشعبية والجمعة تصلينها في المركز الاسلامي التابع لررابطة
فيه فندق في قلب بروكسل لاحد الاخوة الباكستانيين وسعره طيب جدا وهو مسلم
اعانك الله

ممساح
ممساح
أنا مع الراي إلى يقول قعدوا في باريس ولا تتنقلون حق الوالديزني
روحوا الصبح ورجعوا المساء
وتأجير سيارة أفضل لكم بالتنقل اذا محتاجين تروحون أماكن بعيده عن سنتر باريس
وبأمكانكم تتنقلون بالمترو وهو رخيص وسهل
والتنقل إلى بروكسل طبعا بالقطار أسهل (شوف تقريري عن باريس خلال 24 ساعة - الرابط بالتوقيع)
فنادق باريس كثيره ......... بس أذا أنتوا عايله كبيره .......... ليش ما تفكرون بشقة

ali79
ali79
ام سلوم القطرية
أختي الكريمة أم سلوم،،
العام الماضي سافر نفس الأماكن اللي تبون تروحون لها، بس بديت في بلجيكا و انتهيت في فرنسا. عددنا 3، أنا و زوجتي و بنتي عمرها 3 سنين.
الانتقال بينهم عن طريق القطار السريع "الثاليس"و هذا موقعهم: http://www.thalys.com
مدة الرحلة ساعة و ربع. و كلفتني التذكرة لنا كلنا 95 يورو عشان معانا طفل، طبعاً قطعت التذكرة من بروكسل مو من السعودية! السعودية عطوني اسعار خيالية عن طريق مكتب الزومان!!!...
في بروكسل قعدت 4 ليالي في نوفوتيل اللي بجانب ساحة القراند بليس وفيه جنبه فندق آيبيس شكله أرخص بشوي... و من وجهة نظري انه 4 ليالي مناسبة لبلجيكا... صغيرة و حلوة و رايقة.. انصح تاخذين باصات الرحلات و تلفين بروكسل فيها... و لا بد من رحلة لمدينة بروج...
موضوع اخوي ممساح بينفعج كثير بالنسبة لبلجيكا.. ما شاءالله عليه، بس بالنسبة لي ما أحب أدور واجد، أحب استمتع بالمكان و القهاوي و الجو
باريس، السكن يعتمد على عددكم، و منها تقررين اذا شقة أو فندق... جلست في باريس 6 ليالي في فندق تيلسيت ايتوال و اخترته عشان تقييمه عالي في trip advisor و ما شفت احد ذكره في المنتدى! عموماً انصحج بغيره عشان شوي الطريق غير مرح بالليل لما أرجع من الشانز...
في ديزني لاند سكنت في فندق ديزني لاند نيويورك و نصيحة لكي أختي لا تسكنين في ديزني لأنه مكلف جداً و ما تسوا بنفس الوقت!! اسكني في باريس و اقطعي تذاكر ديزني من محلهم اللي في الشانز و روحي بال RER A أريح و أرخص...
سافرت عن طريق طيران الاتحاد، و أسعارهم هالسنة ارتفعت فوق 15%
تمنياتي لكم برحلة ممتعة


خصم يصل إلى 25%