نشر في باريس

جدول رحلتي لباريس

عيون الطيف

23-02-2022 - 12:10 am

أسعد الله مساكم..
حبيت اقولكم جدول رحلتي القصير لباريس وليل..
المغادره 273.....على الخطوط الاماراتيه
ووصول لمطار باريس ومن ثم اخذ قطار الى مدينه...
والوصول الىlille....
حجزت في فندقcitadines Lille Center2
2 ايام بحدود188 يورو
ويوم لزياره بروكسل...
5 ايام في باريسbradford Hotel
بحدود845 يورو..
سؤالى بارك الله فيكم...؟؟
من الفندق Bradford لين المناطق السياحيه كبرج ايفل وغيرها شو أخذ من وسائل النقل يعني القطار؟؟
ياليت الى عندة اضافه او حاب يضيف شي يخبرني...
جزاكم الله كل خير واحب اوجه كلمت شكر وعرفان للاختي بنت الصقور فعلا ما قصرت ربي يخليها ويسعدها...

التعليقات (9)

بعدين اسافر

23-02-2022 - 03:27 am

ياهلا اختي عيوون الطيف
شووفي طوول الله بعمررك ...
اول شي انتي بعيده عن الشانز وبرج ايفل تقريبا وعلى ذمه قووقل 600 متر

اذن لازم تستخدمين المترو (( القطار )) وهذا طبعا يبيله شررح بس ترى استخدام المترو موب صعب
طبعا اقرب محطه هي محطه (( سانت فيليب دي رويال )) ....
ونستنتج انك اذا بغيتي تروحين للشانز من نفس الفندق تطلعين تركبين قطار رقم 9 المتجه
الى بونت دي سيفرس ... وتنزلين في محطه فرنكلين روز فيلت ...واذا بتروحين نهر السين
او برج ايفل على نفس المترو المتجه الى بونت دي سيفرس وتنزلين في محطه (( الما مارسيا ))
واي خدمه جااهزوون... وتروحين وترجعين بالسلامه ولاتنسين التقرير والهدايا لكل الاعضاء

عيون الطيف

23-02-2022 - 04:28 am

بيض الله وجهك..
ما شاء الله عليك شكلك ملم بمنطقه في فندق تنصحنى فيه بباريس غير هذا ويكون سعره مناسب؟؟
جزاك الله خير..
وسوالى...واين احصل الباص الاحمر اذا بغيت اسوي جوله؟؟

بعدين اسافر

23-02-2022 - 05:29 am

عيون الطيف
والله انصحك تشووفي فندق كنكورد لافييت ... سعره مناسب
وبعدين بالنسبه للباص الاحمر تقدرين تركبينه من كذا موقع ... وطبعا تراه يغنيك عن المترو والقطار
بحيث انك تشترين تذكره ب 18 يورو على ماضن هذا سعرها تقدرين تتقلين فيها لمده يومين على
اهم المواقع القريبه في المنطقه الاولى والثانيه في باريس ...
تحصلينه يوقف عند قوس النصر وعند نهر السين وتقدرين تنزلين في اي مكان وتركبين من اي مكان

عيون الطيف

23-02-2022 - 06:30 am

جزاك الله خير...
اخوي شو رايك بموقع هل الفندق
Best Western Etoile Résidence Impériale؟؟؟؟؟
بارك الله فيك...في انتظار الرد؟؟

بعدين اسافر

23-02-2022 - 07:31 am

هلا اختي
شووفي يطوولي بعمررك انا ارشح لك فندق الكنكورد لافييت ويكفي ان فيه مجمع تجاري حليوو تقدرين
تقضين فيه وقت بما انك وصلتي دوار البوغتو ميلوت
يعني تراك بعيده عن الشانز بحووالي الكيلو ... والفندق هذا Best Western Etoile Résidence Impérial؟
قرريب عند دوار البوغتو ميلووت ... وعلى فكره ترى فندق بيست ويسترن قريب من فندق كنكورد لافييت
Bestwestern.com, the World&

عيون الطيف

23-02-2022 - 08:32 am

بعدين اسافر
حياك الله يا اخوي...
والله كان بودي في كنكورد لكن طلع 1000درهم ليله...وبيست ويست طلع 750 مع الفطور؟؟؟
شو رايك؟؟
وجزاك الله خير.

بعدين اسافر

23-02-2022 - 09:33 am

افا .. افا ... معقول الكنكورد بهالسعر .. انا ماخذه قبل العام بحوول 600 ريال ... ايام بطووله كأس العالم
بس شووفي اذا المده طوويله وتفرق معك اكثر من الفين درهم رووحي لبيست ويسترن ...
اما اذا كان المده قصيرة ترى الالف درهم ماتفرق اذا شفتي شي مناسب .. يعني انا اشووف
مب ذاك الزود .... لان ميزه الكنكورد لافييت حي وفيه حركه اكثر من ذيك الجهه اللي فيها الويسترن
رايي الشخصي ... طيب شووفي شاتو ايبرند CHATEAUBRIAND مدحته روز بري
(( الله يذكرها بالخير )) انا ماجربته او رويال اليزيه ROYAL ELYSEES
يمكن سعرهم يكون حوول البيست ويسترن ...

عيون الطيف

23-02-2022 - 10:34 am

كل الاسعار طارت الحين...ربي يكون في عونا..
وجزاك الله كل خير اخوي...
انا حجزت في بيست ويست وسعره مناسب جدا طلع 750 مع الفطور وتكس وغرفه حلووه والفندق نظيف وامان على قولت المكتب...
بس تصدق اخوي طلع المكتب ارخص من حجز النت بفرق ميه يورو...والحين بلغي حجزي في النت...
ربي يسلمك ومشكور ما قصرت.

بعدين اسافر

23-02-2022 - 11:35 am

لا مستحيل ان الفررق 100 يورو .. ومووب غرريب ان مراات تحصلين ان المكاتب ارخص من النت
بس بالفررق ذا طبعا مستحيل تفرق 10 يورو او عشرين بالكثير .. بس ميه يورو ماضن الا اذا هم يبون
يقنعون العميل يقولون كذا وان شفتهم على موقع حجز ثاني يطلع 130 يورو من عدا الضرايب
يعني يطلع حوول 150 يورو ... عموما ربي يووفقك وان شاء الله تنبسطين برحلتك .. ترى مو مهم
كثير الفندق اهم شي تنبسطوون هنااك لان الفندق للراحه الا اذا انتي من هواه اللوبي مثلي خ
ولاتنسينا من التقرير .. واذا بغيتي تجيبين هدايا معك ترى مانقوول لا ..
بس بشررط لكل اعضاء البووابه ... يالله خيتو .. عموما ... ررحله مووفقه

باريس المسافرون العرب

جدول رحلتي لباريس