ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
يرو
09-09-2022 - 07:16 am
السلام عليكم
بصراحه انا اغلب وقتي على هذا الموقع عشان اجمع اكبر عدد من المعلومات
وكمان عشان ما اتعبكم بكثره الاسئله
ولكن وانا اتصفح الصفحات في ارشيف لنكاوي
شفت موضوع ماعجبني وخلاني اغير رأيي عن لنكاوي
وهو موضوع الحشرات وخاصه (البرعصي او الوزغ):112:
وانها موجوده بكل فنادق لنكاوي وانك تشوفها بكل مكان؟؟؟
انا بصراحه عندي استعداد الغى لنكاوي عشان هالحشره لاني بجد لو شفتها بيغمي علي
ويمكن تنقلب الرحله نكد
يعني مابي اروح وانا قلقانه او احس بقرف ان هالشي موجود؟؟
اتمنى انكم تجاوبوني وهل هي موجوده فعلا بشكل كبير؟؟ حتى بالفنادق الغاليه
اتمنى تاخذون سؤالي على محمل الجد والاهميه لان هالشي يهمني كثير
وجزاكم الله خير


التعليقات (9)
سارووونه
سارووونه
ههه
والله يالغاليه هالبرعصي راح تشوفينه يمشي معك بكل مكان
لا امزح معك ,,,,
عن نفسي سكنت بفندق ويستن لنكاوي والله ماشفته بداخل الغرف أبد ,,,
انتي حاولي ماتفتحين الدرايش أبد عشان مايجيون ويرحبون فيكم

أم حناين
أم حناين
ههه
اختي ترا صج على سالفة البريعصيه والحشرات انا شفتهه كل مكان بماليزيا وصراحه انقرصت من البعوض وايد بس مايهني بروح استانس
لا تحاطين في بالج وخذي معاك بخاخ للجسم عن الحشرات
ورحلة موفقه إن شاء الله

مهند
مهند
اختي هذا الكلام مبالغ فيه
أنا سكنت خلال سنتين متتالية في لانكاوي
وجربت 3 فنادق
لم أرى أي حشرة داخل الغرفة
والحشرات نراها أحياناً في منازلنا
هذه حالات نادرة ويمكن محاولة تفاديها بكل سهولة
الحرص على الفندق النظيف وإغلاق النوافذ والأبواب بإحكام

واقعـــي
واقعـــي
مثل ماقالوا الاعضاء اختي يرو
انتي قفلي البلكونه وان شاء الله امورك تمام
ولاتنسين اختي ان لنكاوي وبينانج جزر
وطبيعتها الاستوائيه تخلي الحشرات متواجده بكثره اكثر من المدن الكبيره لكن ارجع واقول لك مثل ماقالوا الجماعه الموضوع مبالغ فيه
وبالتوفيق

شاهيستا
شاهيستا
انا توني جايه من ماليزيا طازه
الصراحه ما شفت حشرات داخل الغرف..........بس انا ما افتح البلكونه من المغرب...وتلاحظ هالمعلومه كاتبينها على البلكونات...........
اذا هذا اللي مزعجك ارتاح مافيه شي من هالكلام ابد

مـزاج
مـزاج
فندق بلانجي بيتش قد يكون معرض لمثل هذه الحشرات واذكر انهم موزعين منشورات بالغرف مبينين فيها انه لاللخوف من هذه الحشرات وهي تأتي نتيجه طبيه الفندق الريفي ..

jalasya
jalasya
والله انا سرت لنكاوي و بالاخص لنكاوي لاجون و ما كان في صراصير ولا حشرات بالعكس بيفوتج لو ما رحتسي المكان وايد حلو هناك

msnr98
msnr98
قفلي الدرايش وما يجيكي شي ان شاء الله

قطب الورد
قطب الورد
ليتها وقفت على البريعصي الصغير
فيه برعوص كبير زي الضب
( طول لسانه نص متر)
شفته في موتيارا


خصم يصل إلى 25%