البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Hambka Q8
14-12-2022 - 12:36 am
السلام عليكم..
شلونكم و شخباركم..
باك ويا تقرير جديد و فريش
كانت لي رحله ل مملكة البحرين الشقيقه
لمدة 4 ليالي
(من يوم 29-1 الى يوم 2-1)
كانت الرحله بالسياره
ويا العايله الكريمه..
طلعنا من البيت 2.30 الظهر
ماكدونالدز استراحة الأدعمي
وصلنا حدود النويصيب 3.30
خلصنا من حدود النويصيب و الخفجي 4.15
عقب ما خلصنا من حدود الخفجي اب 10 دقايق لقينا استراحه جان نوقف عندها
و نصلي العصر
و شربنا جاي (شاي - Tea )
و كلينا شوكولا
طاعو اشمكتوب على الاستراحه لول
المشكله انها يديده ما انفتحت
عقب ما مشينا جان اطلع روايه و اقعد اقراها اضيع وقت
للكاتبه السعوديه : قماشه العليان
اسمها : "انثى العنكبوت"
خلصتها قبل لا نوصل البحرين اب نص ساعه لول
حدي اندمجت فيها
وصلنا حدود البحرين تقريبا الساعه 8
ماكان وايد زحمه
نسيت متى خلصنا بالضبط
ماكنا حاجزين للسكن قايلين اذا وصلنا بنروح
إليت سويت
بس مالقينا قالوا لنا FULL
فأتصلنا بريّل خالتي اهما كانوا سابقينا و قلنالهم حجزولنا وياكم غرفتين اب فندق
Crowne Plaza
اللي في المنطقة الدبلوماسية
وصلنا و نلقى غرفنا جاهزة و ريّل خالتي بأنتظارنا و مسوي ال Check in و خالص ";p~
عاد نزلنا اغراضنا و اخذناهم للغرفه
صور الغرفة :
الضيافه :
^
^
الهوت تشوكليت مو طبيعي..
الحمام (تكرمون) :
ريحنا شوي و عالساعه 9.30
طلعنا رحنا تعشينا اب فندق يحبونه خالتي اسمه
SEA ROCK - بحر النجوم
نوعه كباين و اكله مو وايد حلو بس احلى شي عندهم شوربة العدس
لول تخيلوا ما تبرد كلش و الله قعدنا ثلث مادري نص ساعه نشرب فيها و ما ابردت حاره حيل !
صورة طلباتنا (Sorry ظلمة)
شوربة العدس + رز و شيش طاووق + سباجتي
بس اسغفرالله - الله يزيد النعمه
كلش مو زين =
احسن شي الشوربه !
طلعنا تقريبا 11
سيدا الفندق و نمنا من تعب الطريج
يتبع ;~)
ان شاء الله هالجزء يحوز على اعجابكم ^^
و نطروا الجزء الياي ^^
~{ SEE YA L8r }~


رحلتي الى البحرين
التعليقات (9)
old-man
old-man
حقيقه تقرير رائع يعطيك العافيه ومعاج لي نهاية الرحله

Dhari
Dhari
الله يعطيج العافية اختي همبكة و متابعين معاج...:
تحياتي...!

MR-MAJED
MR-MAJED
بداية رائعة
الله يعطيكِ العافية

الغالـــية
الغالـــية
أختي hambka Q8 .... أول شي الحمدلله على سلامة الوصول ... ونورتوا البحرين ...
تعودنا منج أسلوبج الحلو في التقارير .... وناطرين تكملتج .. متابعين بشوق
وحياكم الله ..

قلب طفله
قلب طفله
الحمدلله ع السلامه عزيزتي
اما الكتابة ع الجدران شي يقهر بصراحة حتى بوابات الجامعة ماسلمت منهم
روايات قماشة العليان اليمة..
وحلوة انثى العنكبوت..
متابعين معاك
والله يعطيك العافية يارب

SauDiah
SauDiah
اختي اذا ممكن تكتبين لنا سعر الغرفة بهالاوتيل وهل هو قريب من ضاحيه السيف ؟

دحنوشـ
دحنوشـ
مشالله الحمدالله على السلامة
ومتابعين وياك

اليازي-UAE
اليازي-UAE
اوحشتنا تقاريرج الحلوه ياهمبكه
سجليني من المتابعين

@ مير @
@ مير @
تقرير حلو ومفصل من البداية ويعجبني كتابتك التقرير بلهجتكم الكويتيه 000 ننتظر الجزء القادم ، بس لاتتأخرين علينا 0
على فكرة شنو معنى (( همبكة ))


خصم يصل إلى 25%