السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نسيم نجد
26-05-2022 - 11:13 am
أخوتي الأعزاء :
السلام عليكم و رحمة الله و بركاته و بعد :
اناجايكم يالربع من الساحة العامة يعني ظيف عليك ودي إنكم إتوجبونن بطلبي :
الرجاء من أي و احد بعرف شاليهات بالمنطقة الشرقية تكون مناسبة السعر و نظيفة يخبرني فيها........العييل هالمساكين خلصت العطلة ما سافرو أول العطلة قعدنا علشان إنسفر الشغالة و أخر العطلة علشان نستقبل الشغلة الجديدة........... وإذا رجعنا للدوام أول مايقبلك الزملاء يقولون إجازة سعيد
ولكم مني الشكر ومن العييل الدعاء ومن الله الأجر
شكلها تبي إتصير إطرارة


التعليقات (7)
قَبلَةالخلق
قَبلَةالخلق
شكلها تبي إتصير إطرارة===>وش دعوة ولاتقول تسذا الله يهداك ههه
بالنسبة لي ارخص شاليهات موجودة هناك بعد شاليهات النخيل..نسيت وش اسمها بالضبط وهي للضباط..ماادري اذا انت موضابط تقدر تاخذها والا لا؟؟
يمكن تقدر...جرب حظك..بس الي اعرفه انو ناس ياخذونها موضباط يمكن عن طريقهم..
ترى فيه شاليهين للضباط وحدة صندقة يقولون تلوع الكبد..وهاذي نظيفة جديدة هادية مافيها ازعاج وسيارات خر مر..محد يضايق عايلتك لو ايش..ناسها محترمين وعوايل معروفة..
مو زي شاليهات النخيل كلها دشير ومصخرة والا الخليج زحمة وقرف...
تراها هادية يمكن المدام والعيال مايحبون الهدوء..على خبري العام..فيه دبابات وجيتسكس ومراجيح شوية وسوبر ماركت صغينون ونظيفة وبس..
بس خذ ارقام المطاعم الي يوصلون للبيت لانها بعيدة عن الخبر..الا اذا بتطبخون...
اسمها ناسيته له علاقة بالدفاع الجوي..
اتمنى تحصلك ..رحلة موفقة..
قبولة

قَبلَةالخلق
قَبلَةالخلق
على فكرة ترى اخر مررة رحلت لها من سنتين ..مدري وش حالها الحين؟
وتراها متواضعة..
قبولة

سلطان الشرقية
سلطان الشرقية
ياهلا ويامرحبا فيك حبيب قلبي وياهلا بكل من يجي الشرقية
بالنسبه للشاليهات انصحك حلوه ورخيصه منتجع الهوليدي ان بشاطئ نصف القمر جدأ راقي وفيه شاليه كبيره وفيه شاليه صغير , والأسعار رخيصه تعتبر الآرخص فيه 700 ريال وفيه 1200 ريال الظاهر الكبير
ويوم الخميس والجمعه فيه حفلات اطفال وشخصيات كرتونيه , وللكبار فيه يوم الجمعه فيه حفله ديجيه وبعض الاحيان يكون فيه فنان او فرقه شعبيه , وفيه ان بغيت تسكن بالفندق الي تابع للمنتجع هم تقدر, ولكن الآفظل شاليه خاص احسن من غرف بالفندق
وللأطلاع اكثر هذا الموقع الالكتروني للمنتجع وتقدر تطلع عليه وتتصل وتشوف وتنسق كل شي
http://www.holidayinn-sa.com/halfmoon/
تقبل خالص تحياتي/سلطان الشرقية

نسيم نجد
نسيم نجد
أختي : قبولة
ماقلتي وش أخبار المدام .....أم سامي .....والعيال سامي و أحمود
على العموم إمنين يا حسرة واسطة يكون ظابط و بالشرقية
وأقول و صلتي و ما قصرتي

نسيم نجد
نسيم نجد
أخوي : سلطان الشرقية
ماتعرف قد إيش أنا ممنون لك على هالمعلومات
ونقول يارب يسلمك على هالمعلومات .....ولك فائق التقدير

قَبلَةالخلق
قَبلَةالخلق
لا ممكن ضابط من الرياض...وسئلت زوجي اليوم ..يمكنه يقدر يدخل..
منك خسران شئ..شفها وشف الثانية...
وترى على خبري الشاليه الصغير 300والكبير ابو دورين 700 ريال..
بس على خبري مريحة وهادية..
وان ماحصلك خذ برأي سلطان او خله يسألك عن هذي الشاليهات...
ووشلون ام سامي والعيال ...الا تراك ماقلتلي ايش اسم القمرة الا معهم...
قبولة

نسيم نجد
نسيم نجد
أختي : قبولة
شكرا" على التسعيرة و حقيقي ازعجناكم بأنصاف هاليول
لكي من و من الجميع من التقدير أسماه


خصم يصل إلى 25%