اخوي الكويتيه دياركت الي كوالالمبور ب220 دينار
برجايا انا محصله ب33 دينار
صن واي لاجون بيرميدا قالي 25 دينار
هذا محل سفريات اذا تبي رقمهم اعطيك اياه

الطيران الداخلي احجز على اسيا اير ارخصلك يمدحونا الاعضاء فى تقاريرهم

حياك الله أخوي
تبي نصيحتي خلك من مكاتب السفريات
خطط برنامجك بنفسك وحاول تحجز من الإنترنت
أو من مكتب إذا ما تعرف تحجز من النت بس إنت تكون محدد البرنامج
الفنادق اللي عرضها عليك المكتب أكثرها مستواها سيء وفيه أحسن منها

السلام عليكم ورحمة الله وبركاته..
آنا طرحت عدة تساؤلات ولله الحمد والمنة الأخوة الأفاضل أعطوني نصائحهم
يا إخوان أريد أن أستشيركم بفنادق وهذه توصية من سفريات ولكن بصراحة إني محتار
اول شي نبي نناقش الاختيارات..
وبعدين اسعارهم مبالغ فيها مره..مرتفعه جدا بالنسبه للحجز بالنت..
ممكن انك تسكن في افضل منهم باقل من القيمه اللي محدده لك بالباكج..
كوالالمبور
تايم سكوير أو فرديل ( السعر قالي من 40 إلى 45 د.ك )
تايم سكوير وانت مغمض..
فيدرال هو اول فندق انبنى في كوالالمبور حسب معلوماتي..
يعني مهما رمموا.. (لايصلح العطار ماافسده الزمان)
بينج
هوليدي إن اللي مقابل الشاطئ أو برجايا ( الهوليدي إن 55 د.ك وبرجايا 45 د.ك )
هوليدي ان متوسط المستوى..
غرفه مكتومه ويشكون سكانها من رائحه الدخان..
وبرجايا تراها ميب على شاطيء.. اسمها برجايا جورج تاون.. وجوا البلد..
وسعرها من 170 - 280 ريال حسب تدرج نوعيات الغرف..
كيف حاسبينها عليك ب45 دينار؟؟؟؟
سن واي لاجون
طبعاً الفندق نفس اسم المدينة ( 65 د.ك )
الاختيار زين..
السعر (ليس) زينون

1. الأخت مسافره مختبه

أخوي الكويتي
بصراحة آنا أدري عن سعرها بس الكويتية إلحين قامت تخوف فبصراحة آنا والأهل خايفين
بالنسبة لسعر برجايا اهوا عطاني وقالي احتمال أنزلك إياه
بالنسبة لسنوي لاجون شسويله نصاب هذا السفريات بس أخاف يمكن قصده عن الشقة اللي فيها مسبح بصراحة ما أدري
والله إذا تعطيني إياه أكون لك من الشاكرين
الأخ سايح في البلاد
آنا بصراحة سمعت عن الماليزية وما أدري قالوا عنها زينه إذا جذي أغير أروح على الطيران الثاني
الأخ مهند
شكراً على نصايحك وهذا اللي شكلي راح أسويه ولكن بصراحة آنا إلى حد إلحين خايف من النت ما أدري ليش

الأخت مسافره مختبه

بالنسبة لتايم سكوير هل هو أفضل الموجود وآنا أختي طبيعتي إني ما أقعد بالسكن كله طالع فقط للنوم وممكن كم يوم أقعد فيه راحه واستجمام وكنت ساكن آنا من قبل في سويس جاردن وبصراحة مستواه بمقارنة بمستوى الخليج كان متميز فما أدري هل تايم زين أو في أحسن منه
بالنسبة لبينج فما تنصحيني قلت له ن شنغريلا وقالي لا تحجزه حيل غالي يوصل سعره الليله إلى 85 د.ك فقلت له خلاص كنسل فما أدري شنو الزين فيها
بالنسبة لسنوي لاجون كم أحصله وما أفضل غرفه أحجزها
آنا بصراحة أختي قالي صاحبي إن كان ساكن بفندق بس ما ادري شنو أسمه وقالي كان ساكن بكوخ فوق الماي وقالي إن كان سعر 50 د.ك وقالي إن أسعارها شوي غالية بس بصراحة تسوى فما تنصحيني وودي بشي مميز وسعره حلو
بخصوص الدولي شو رايك بالكويتية
وبخصوص الداخلي من كوالالمبور إلى بينج
وبصراحة شكراً للجميع على ردودهم وبصراحة استفدت كثيراً من خلال هذه المناقشة

با نتظار ردكم يا إخوان

هلا أخوي يسعد صباحك يا غالي
بالنسبة لتايم سكوير فندق ممتاز وفيه أجنحة رخيصة وغالية حسب رغبتك
الصن واي الفلل عبارة عن كوخ مستقل مع بركة صغيرة للسباحة سعرها تقريباً 1500 ريال
وفيه الفندق الرئيسي غرف وأجنحة أسعاره متفاوته وهو الأشهر
وفيه فندق تابع له اسمه برج بيرمايد أسعاره اقتصادية والفندق حلو ونظيف للي بيوفر
الفندق اللي فوق الماء هذا بلانكاوي واسمه لانكاوي لاقون وفندق جميل جداً وهاديء
هذي صورته

السفر الداخلي أفضل شي airasia خدمتهم جيدة وأسعارهم اقتصادية

حبيب قلبي انا قالي الطيران الدخلي من كوالمبور الي بيننغ علي الماليزيه الكبير ب24 والصغير ب20
وقالي علي طيران اسيا الكبير ب11 والصغير ب10
واقترح علي اقتراح قال اول ماتوصل ماليزيا طير الي بيننغ يعني اوصل كوالمبور الساعه 1 الظهر الطياره الي بيينغ الساعه 2 ظهرا
قلت لا انا جاي من سفر مدتها 8 ساعات بريح ليلتين وعقبها بطلع لبيننغ