ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hisham90
14-10-2022 - 08:37 pm
السلام عليكم ورحمة الله وبركاته
بعد 20 يوما بإذن الله راح أسافر أنا وعائلتي الى ماليزيا وللمره الأولى
إن زوجتي وبناتي يلبسون العباءة الاسلامية في بلدي الكويت وهم حريصون على لبسها
ولكن نصحني البعض ممن ذهبو الى ماليزيا بعدم لبس العباءة الاسلامية لزوجتي وبناتي في ماليزيا
لانها راح تسبب لي مشاكل أمنية
لذا ارجو ممن لديهم دراية كاملة عن ماليزيا أن يرشدني بالصواب
هل فعلا لبس العباءة الاسلامية تسبب لي مشاكل أمنية في ماليزيا
أنا منتظر ردكم


التعليقات (9)
مسافره مختبه
مسافره مختبه
السلام عليكم..
بالعكس منظر العبايه هناك شي عادي جدا..
ولاعمرنا رحنا الا بعباياتنا ولاحد يضايقنا ولا حتى يستنكر اشكالنا..
بس تنبيه بسيط جدا..
بالمطار وعند الجوازات.. حاولوا تروحون كاونترات تشتغل فيها موظفات علشان كشف الوجه..
توكلوا على الله وماعليكم الا العافيه..
تحياتنا لكم

sa070
sa070
اخي العزيز لبس العبايه في ماليزيا عادي جدا وراح تحصل كثير ما اخواتنا الخليجيات لابسين العبايه لدرجه انك تحس حالك كانك في الخليج وليس في ماليزيا
توكل على الله واجازه سعيدع ان شاء الله

وشاح العز
وشاح العز
السلام عليكم
أنا مكثت في ماليزيا قرابة شهر ونصف .. ومعي زوجتي ومتستره كنها في السعودية ولا وجدنا أي مشاكل بالعكس احترام وتقدير خصوصا من المسلمين هناك يشمون فيك ريحة مكة ..
توكل على الله وانصحك عند المطار و الأسواق انك ما تركب إلا مع سائقي أجره شركات معتمدة ولا تقول السعر أرخص أهم شيء تحافظ على نفسك ومن معك .. وفقك الله ..
تحياتي ..

مهند
مهند
وعليكم السلام ورحمة الله وبركاته
أبد وانا أخوك اعتبر نفسك بالكويت ولا راح تحس بأي اختلاف أو مضايقة
العباءة الإسلامية أصبحت منظر معتاد عندهم ويرونها سنوياً بالآلاف

fahoooood
fahoooood
ما راح تحصل اية مضايقات لكن وبكل صراحة رغم كل العقد والعادات القبلية الي انا اعيشها والاتزام التام بالحجاب والعبائة الاسلامية لكن في السفر ممكن يكون الحجاب افضل

خالد المطوع
خالد المطوع
السلام عليكم ورحمة الله وبركاته
يا أخي hisham90 لا تشيل هم أنا الان في ماليزيا ومعاي زوجتي لابسه العباءة ومنقبه بعد
والحمدلله لا مضايقات ولا مشاكل أمنية .

سارووونه
سارووونه
مثل ماقالو الاخوان .....راح تحس انك بديرتك
وماشاء الله الشعب مسلم ....وماراح يستغرب من العبايه سواء سودا والا غيرها

ورد طائفي
ورد طائفي
لا مافيه اى مشاكل ان شاء الله عادي جدا
بس الاطفال شوى بعض المرات يخافون من شكل العباءة ...صارت معى كذا مرة
واذكر كنت واقفه عند مدخل بمنتجع بلانجى بتش واحترى ابوالعيال رجع يجيب الكاميرا من الغرفه
ويجينن طفل ويحوم حولى ويحوم حولى ويناظر من فوق لتحت حام يمكن 4 مرات وانا ماقلت ولاشئ قلت الله يستر لايهبدن وبصراحه خفت اتكلم ويصير فيه شئ شكله يحسبن تمثال..
شوى الاامه تناديه من بعيد ......راح يركض لمه ...وهو يصيح ويبكي ......شوفوا الولد.:112:.مااقواه والله ماسويت له شئ ولاتكلمت خوفا من فجعته ..... ...قامت امه تتمتم من بعيد وزعلانه وشكله سبتن
وجاء زوجي قام وشبلاتس على الحرمه وش مسويه له تناظرتس وزعلانه ....قلت ياما بالحبس من مظاليم
المهم نهاية الحكايه الولد صينى ...والخلاصة ...مافيه مشكله من لبس العباءة بماليزيا....

مداوي الجروح
مداوي الجروح
لالالا بالعكس شي عادي جدا جدا جدا يعني خدوا راحتكم وبالعكس لكم الاحترام والتقدير اكتر واكتر
ورحلة سعيده وموفقه


خصم يصل إلى 25%