- أنا الحمدلله قرب زواجي راح يكون في 2 يناير 2008
السلام عليكم ورحمة الله وبركاته ،،
أنا الحمدلله قرب زواجي راح يكون في 2 يناير 2008
حجزت عن طريق مكتب المؤيد للسفريات .. لماليزيا .. على الخطوط الإماراتيه
الرحلة يوم 4 يناير توصل دبي الساعة 12 نص الليل وتقلع لكوالالمبور الساعة 3:30 وتوصل لكوالالمبور يوم 5 - يناير الساعة 2 الظهر .. (( هنا نصحني مكتب السفر إني ما أضيع وقت وأطير على طول لبيانينغ على الساعة 5 العصر )) على طيران الماليزي ..
حجزت في فندق رويال بارك .. راح نوصل تعبانين على الساعة 6 إنشاء الله .. وشكلها ماراح نطلع من الأوتيل إلى من بكرا الصباح ..
بنجلس ببيانينغ 3 أيام ثم نروح إلى لانكاوي ((( يقولون مافيه طيارة تروح هناك مافيه إلا قارب الفيري - وقريت عنه في المنتدى ولقيت إنه بهذله اقصد دوار البحر والإستفراغ كرمكم الله )) فإيش رأيكم وش الحل هل فيه طيران أو هل فيه طريقه حلوه نطلع بالفيري بس بدون بهذله وتعب ..
راح نوصل لنكاوي إنشاء الله على الساعة 7 المساء .. طبعاً بنقضيها بالأوتيل أو أي مطاعم قريبه ..
وبنقعد 3 أيام
بعدها نطير إلى كوالالمبور .. نسكن في فندق مندرين (park viwe ) مرره حلو الفندق شكله ..
بعدها نطير إلى دبي ليلتين ونرجع بالسلامه إنشاء الله .. ز
عاد ياجماعة أبي فزعتكم أنا أول مره أروح لماليزيا .. ومعي المدام في شهر عسل ولا ودي أتفشل ..
أبي إقتراحاتكم إني أرتب جدول حلو أزور فيه الأماكن الحلوه وبدون تعب وتكليف على أنفسنا أقصد نزور الأشياء اللي ما تتفوت والأشياء اللي تستاهل ..
تكفون .. لا تردوني .. أبي جدول مرتب وبعض المعلومات عن الفنادق اللي بجلس فيهم .. يمكن يكون فيهم بالفنادق أقصد أمكان أو جلسات حلوه وأسكن وأطلع وأنا مادريت عنها ..
بأنتظار نصايحكم وتوجيهاتكم وأقتراحاتكم ..
دمتم بخير ..،، وتقبل الله صيامنا وصيامكم في يوم عرفة وغفر للجميع .. وكل عام وانتم بخير ،،
السلام عليكم ورحمة الله وبركاته
اخوي بصراحه برنامجك قصير لشهر عسل وهذا من رأيي الشخصي وانت اخوي ماحددت كم بتقعد في كوالالمبور المهم اليك بعض الأرشادات والف مبروك مقدما :1- حاول انك تمر على منطقة سلانجور وتحديدا صن واي لاقون بركه مائيه كبيره فيه العاب مائيه حلوه جدا والأحلى فيه مول لاصق بالبركه ممتاز جدا واسعاره حلوه بس للأسف انت بتوصله على السنه الجديده تكون راح التخفيض . وانا انصح هنا بفندق براميد تاورز سعره رخيص وغرفه انظف واحسن من غرف فندق صن واي لاقون انا نزلت في الأثنين قبل كذا
2- بالنسبه لبيننج تراه جزيره اكتيف يعني زحمه وفله وراح تنبسطون وانا اعرفلك سواق هناك مسلم اندونيسي اسمه طاهر ممتاز جدا وسيارته نظيفه جلد من جوه ومضلله خفيف ومكيفه واحلى مافيه انه محترم وفله وتحس انه نشمي يعني ماهمه الفلوس وفوق كذا شغال بشكل رسمي يعني تابع لشركه اسمها رحله سعيده بيقدروا يساعدوك بأي شي حجوزات فيري تنقلات رحلات جواله:0174804425.
3- لانكاوي جزيرة الأسترخاء والريلااكس ومره ممتاز للرومانسيين وفيها سواق ممتاز ومحترم جدا اسمه هالي مان :0194938259
4- بالنسبه للفيري انا اليوم في لانكاوي جاي من بينيق بالفيري بصراحهانا سمعت كلاام خلاني ماانام الليل افكر في ام الفيري ذا
بس والله البحر كان هادئ اليوم والرحله ولا اروع حتى اني كنت جالس بسطح المركب مره فلله ومافي اي احد استفرغ الله يعزك ولا شي
ممكن تلاقي رحله على الخطوط الماليزية بس نادرا يحطون رحلات مابين بينينق و لانكاوي انا بصراحه لقيت في نوفمبر 2006 والسنه هذي مالقيت بس انت روح مكتب الحجز وشوف لأنهم في بعض الفترات يشغلون طيراتهم بأي طريقه
او في الخيار الثالث واللي انا شخصيا ماجربته وهو وهذي طال عمرك طائرات بمرواح مو محركات نفاثه للتفاصيل زور الأرشيف https://artravelers.com/s/123
ان شاء الله اكون افدتك