استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أم نوره77
11-11-2022 - 02:25 pm
السلام عليكم
اليوم الصبح وصلت من استراليا,وكانت الحمدالله رحله رائعه وممتعه.
اشكر كل اعضاء بوابة استراليا,لإنهم ساعدوني كثير.
المواضيع في بوابة استراليا مفيده جدا ونفعتني كثير
وإلي يحب يسأل أو يستفسر,بأرد بإلي أقدر عليه.
(عندي ملاحظه,ما أحد ذكرها في المنتدى,البلد غاليه)


التعليقات (8)
ابو مشعاب
ابو مشعاب
اختي ام نورة الحمد لله على السلامة وسلامة الاسفار ان شاء الله
حبيت استفسر عن اشياء كثيرة منها :
كم يوم مدة رحلتكم ، على اي طيران رحتو وكم قيمة التذكرة ، وش المدن الي رحتو لها وكل مدينة كم قعدتو فيها ، كم سعر صرف الدولار الاسترالي يوم تروحون يعني بكم شريتو الدولار ، هل البلد غالية غلا فاحش مثل باريس وجنيف والا كيف ويا ليت تضربين مثال لنا في الغلا ، هل تنصحين ان الواحد يقضي شهر عسل في استراليا ، واخيرا كم صرفتو بدون سعر التذاكر يعني السكن والمعيشة وليت تذكرين لنا السكن الي سكنتو فيه في كل مدينة
مشكورة اختي وانا عارف ان الاسئلة كثيرة بس وش اسوي قسم الاستفسارات مدري وش فيهم على كاتب اربع مواضيع ولا نزل منها الا واحد مع الاسف

tariq475
tariq475
السلام عليكم ورحمة الله وبركاته ..
مساكم/صبحكم الله بالخير
ما ابي اطول عليكم يا جماعة الخير ولكني انا واثنين من الشباب ساكنين في نيوكاسل (160 كلم تقريبا عن مدينة سيدني) فنخطط اننا نروح ل Gold Coast لكن للاسف مالنا الا شهر في استراليا ومهنا ذاك الخبرة دورنا حجوزات في مواقع واجد لكن ماحصلنا ..
وعلى كلام بعض الشباب ان فيه منطقة شقق عند سيرف باردايز .. طبعا حنا ناس عزبتنا معنا والسكن مهوب بذاك الاهمية القصوى لكن يعني يكون نظيف وحماماته تكرمون نظيفة ..
فابي اسأل أهل الخبرة هنا في المنتدى وشلون احجز وهل فيه مواقع اقدر احجز عن طريقها هالشقق هذي ..
وايضا تقريبا بنقضي في Gold Coast وبريزبن حوالي 7 ايام ونبي برنامج مرتب وحلو منكم الله يعطيك الف عافية يكون شامل الاماكن والرحلات الحلوة والملاهي و... انتم ابخص بالديرة
الله يعطيكم الف عافية شكرا جزيلا

الرحالة
الرحالة
الحمدلله على السلامة ونستنى التقرير

j8j
j8j
الحمد لله على السلامه ياام نوره -------------- وش اخبار استراليا عقبي وشي سالفة الغلا --- انا ناويه اروح هالصيفيه لها ومعي بناتي وبطلع منها لنيوزيلندا بعون الله وش تنصحيني فيه

أم نوره77
أم نوره77
j8j
استراليا حلوه وتجنن وإنشاء الله تنبسطو إذا رحتو.
وعلى سالفة الغلا,انا أصنف نفسي من اصحاب الدخل المتوسط هنا في السعوديه.
موضوع الغلا والرخص اظن انه نسبي,ويختلف من شخص الى اخر.
يعني مثلا سعر دخول دريم ورلد أو سي ورلد أو موفي ورلد الشخص الواحد 66 دولار,يعني تقريبا 217 ريال.يعني انا وزوجي حول434 ريال غير الأكل,إذا كنتم من الناس ألي تحبون الأكل.
ارجع وأقول لك المسأله نسبيه.ممكن الي أعتبره أنا غالي,أحد غيري يعتبره رخيص او سعره معقول.
وحسب تجربتي سدني أغلى من جولدكوست,انا شخصيا اشتريت بعض الهداياالبسيطه من جولدكوست.
وأي استفسار انا بأرد على قد ما أقدر

أنا احم
أنا احم
الحمدلله على سلامتك وعقبالنا هالصيفيه ان شاء الله
واسئلتي نفس اسئلة ابو مشعاب

أم نوره77
أم نوره77
السلام عليكم
اول شي كل سنه وانتو طيبين,وعيدكم مبارك
مدة الرحله 18يوم,واحنا شخصين,أناوزوجي.
طلعنا على طيران الاتحاد وكان ممتاز.أنا من سكان الدمام,طلعنا من مطار البحرين,وكانت الرحله
البحرين_أبوظبي_سدني
بالنسبه للمدن,رحناسدني وجولدكوست.والطيران الداخلي (فيرجن بلو)
كلفتنا التذاكر والسكن في حدود 19000ريال
صرف الدولار كان3.3
أما عن الغلا,زي ما ذكرت من قبل,ان المسأله تختلف من شخص الى اخر.
وعلى فكره لا رحت جنيف ولا باريس,فما أقدر أقارن بينهم وبين استراليا
وأذا على الصرف,صرفت في حدود 30000ريال,بدون تسوق,بس بعض الهدايا البسيطه.واشتريتها من الجولد كوست.
وعلى شهر العسل,أنصح وبشده,مافي احلى من استراليا شهر عسل.كان ودي أروح لها شهر عسل,وما حصلت لي عشان الفيزا إتأخرت,ورحت ماليزيا.وفضلت في خاطري إلى ماحصلت الفرصه وقدرت أروح لها.والحمدالله انبسطت في هالسفره.
اما عن الفنادق,فأخذتها4نجوم.في سدني الهوليدي إن دارلنج هاربر,رجدز وورلد سكوير.ما أنصح كثير بالثاني,الهوليدي ان أفضل.
اما الجولدكوست,فندق كورت يارد في السيرفس براديس,وفندق الهوليدي إن في السيرفس براديس.
الهوليدي إن أحلى,بس الكورت يارد موقعه أحلى,بس خدمته لك عليها.
اتمنى,تكون الردود مفيده.وتساعدكم.

ابو مشعاب
ابو مشعاب
باك اختي
تسلمين يا رب على المعلومات المهمة ولكن عندي بعض الاستفسارت اذا تتقبلينها مني جزاك الله خير واذا تعبتي مني فمشكورة على الي افدتيني فيه وكأني ما استفستر منك
بخصوص السكن في الفنادق ممكن توضحين بكم سعر الليلة وهل يشمل فطور والا لا ؟
وبخصوص الصرف ال 30000 الف هل هي صرف شامل لجميع الرحلة من سكن وتذاكر طيران وتذاكر طيارن داخليه وتسوق والا كيف ؟
ام نورة وانا اخوك لا تشرهين على بس اخوك في لله انا ودي اعرف اشياء اكثر عن استراليا على شان اكون على بينة اسف على ازعاجك اذا فيه ازعاج


خصم يصل إلى 25%