طلعت على التاكسي " بلوبرد " ومسكت السريع الله على المناضر ترد الروح بس ضيقه مرتبت قدام تلزق بالقزازة لزق لذالك احرص إن حدى خوياك قدام وخلك ورا يالله كل شوي بيقولك ادفع ادفع ادفع ضريبة ثلاث مرات أول الخسائر لا تتلفت واجد لأن بعض المناظر مقززة .أيه من حي شعبي قمة في الفقر إلى حي راقي من أكواخ الخشب إلى ناطحات السحاب العملاقة قمة في التناقض وفوة بين طبقات المجتمع مايهمك أنت سائح طبعا رجك الطيار رج بالمطابات الهوائية وعسفك عسف بعد 9 ساعات إذا مو أكثر يعني بس تبي الفراش "النوم سلطان" أيه دخلت الشوارع المزدحمة وثلاثين ألف دباب عند الإشارة وعربات الهنود " ام ثلاث كفرات " تلوث غير طبيعي يعني تفرج من غير أن تفتح النافذة أنت وقفت عند الإشارة تبدأ المواويل مستر سريبو يا )
والثاني مستر سيا مسكين ) : والثالث :تيبة ياتيبة " المعنى طيبة ياطيبة " هذا نشيد والرابع تقول عبادي هو والعود الي معه : أكو تشينتا كاموا أكوسيان ؟؟؟؟؟؟؟ما حفظت الموال . وأنواع الإعاقات كفانا الله وأياكم المصائب غير الباعة المتجولين يعني الوقوف عند الإشارة متعة بحد ذاته بإمكانك سماع النشيد أو الموسيقة أو استعراض لأخر الموديلات وآخر الأزياء البدائية مع بعض الإضافات "لوازم التسول"وآخر قصات الشعر العالمية .المشكله إنك تنتظر الفندق بفارغ الصبر أيه وصلت الفندق فتحو لك الباب نزلت ومعك الفوتشر الله دخلت ذيك الصالة المكيفة هلومستر كان آي هيلب يو ما أدري وش يقول عطيته الورقة الي حاطه بالجيب حق الجنز أيه عطان الجواز بعد ما صوره رحت للغرفة الله أحسن من ملحقي ألف مرة . أيه انسدحت على السرير ودي أنام بس عندي ألف شغله لازم أخلصها قبل النوم لأني مانيب واصل الفندق إلا الساعة 3 يالله اخلع ملابسك لايروح تفكيركم بعيد أباخذ لي دش " حمام بارد" علشان أزداد نشاط بعد الدش صل الأوقات الي فاتك الظهر والعصر ورتب فلوسك وأغراضك وقيد حساباتك وافتح لك سفتي بقس ثم اطلع اصرف لك مبلغ محترم وخذ لك وجبه دسمة من أي مطعم ولاتروح لمطعم عربي من أول يوم أركد شوي وخلها لبعدين.
عاد يجي الليل في جاكرتا مهم الليل في جاكرتا هذا يحتاج صفحة ثانية وموضو جديد أكمله الإسبوع القادم .