اولا توصل بالسلامة ان شاءالله
المسافة بين المطار وكورنيش أبوظبي تقريبا 30 كيلو
وبالنسبة لسؤالك الثاني .. البلد كلها امان .. وكورنيش ابوظبي الخميس و الجمعة يكون مزدحم حتى الصباح
اتمنى لك رحلة موفقة

وعليكم السلام ورحمة الله وبركاته
حياك يااخوي في ابوظبي
بس سؤالي بتوصل المساء متأخر ولا عالمغرب مثلا ؟!!!
لأنك اذا بتوصل والمحلات فاتحه انا اشوف الافضل تروحون مول
مثل المارينا مول او ابوظبي مول
تتمشون وتتعشون وتحضرون فيلم في السينما وبعدها تطلعون المطار
اما اذا بتوصلون متاخر جدا وحابين تروحون الكورنيش فبراحتكم
ويبغالكم بالكثير 40 دقيقه من المطار للكورنيش
الدنياا امان ونص بأذن الله
مامنها خوف توكل على الله
موفق وتوصلون بالسلامه
واي استفسار نحن حاضرين وفي الخدمه

الله يعطيكم ألف عافية إخواني سنايبر ، والبازي على ردودكم..
الحقيقة نورتوني بمعلوماتكم والله.
أجل طلع الكورنيش مشوار !
وصولي المفترض بإذن الله حيكون الساعة 8.30 مساء..
الحقيقة فكرة الأسواق كانت في بالي بس ما ادري حسب معلوماتي إنه المحلات تقفل الساعة 10م يعني مايمديني عليها!
ولا يوم الجمعة يختلف؟؟؟ أن بانتظار الإجابة لاهنتم..

اخوي المحلات يوم الخميس والجمعة ..تواصل للساعة 11 م والمطاعم بعد الساعة 1ص
وبالنسبة لكورنيش ابوظبي فهو قريب جدا من الاسواق وخاصة المارينا مول

طيب عندي اقتراح ثاني
اذا انت تشوف هالمسافه مشوار
شرايك تروح الراحه مول
هذا يبعد 10 دقايق تقريبا عن المطار
مول جديد اغلب محلاته فاتحه
وحتى السينما فاتحه فيه
تعشو فيه واحضرو فيلم متأخر
وبعدها ارجعو المطار
مع اني اشوف المارينا اونس

أجل شكلي ححول على الراحة مول..
والله يجزاكم ألف خير على المعلومات الي ريحتني وأفادتني كثير.. تسلمولي يارب..

اخواني الاماراتيين ماقصروا وياك وانا اقولك دام انه عندك ست ساعات لا تحاتي ممكن تفتر ابوظبي كلها ب3 ساعات فقط

انصحك تروح المارينا مول بس لازم تتأكد من وجود تاكسي يرجعك المطار لا تتوهق مثلي في الصيف ... التكاسي وش كثرها و فاضية و مايرضى يوقف وأضطريت اني أوقف في وسط الشارع و لما و قفلي ما رضي يوصلني المطار و هذا مقابل ابوظبي مول

سنفور بطران
صحيح .. اصحاب التكاسي ما قاعدين يشتغلون بضمير .. تلقاهم لهم رواتب ومايهمه المدخول