سلطنة عمان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
mbc54321
07-10-2022 - 06:57 pm
السلام عليكم.
في خاطري سؤال وانتظر اجابتكم ..
ماذا تحضر معك هدايا من صلاله؟؟
مثلا ما افضل شي للوالدة؟
وبحكم اني عزابي راح اشطب على بند هدية الزوجه
وبقية الاهل والاحباب؟
سمعت عن البخور بس وشو البخور المناسب؟؟ وماهي خياراتكم الاخرى؟


التعليقات (6)
bursh
bursh
أهم شئى
اللبان و البخور و العسل و الحلاوة العمانية

OMAN44
OMAN44
عن نفسي أعتقد اللبان والبخور والحلوى وأهم شئ النارجيل ممكن تأخذه مثل ماهو في ثمرته أو تخليه في قنينة بلاستيكية أذا كنت رايح بالطيارة تراه مفيد جدا للبطن والكلى.

OMAN44
OMAN44
ونسيت أضيف بعد ممكن تشتري لها ثوب ظفاري للوالدة الله يطول عمرها ويحفظها إن شاء الله وهي ثياب جاهزة تلاقيها بسوق الحافة أو بسوق الحريم قبل محطة الكهرباء القديمة نفس شارع بيتزا هت وهي بأسعار حلوة تقريبا 3 ريال عماني تلبسها في البيت وهي ثياب قطنية باردة وقت الحر وتحياتي لك

قرب^السفر
قرب^السفر
نصيحة الحلوى العمانية عجيبة احلى هدية لا واكثر من نوع ونكهات لذيذة انا افضل الحمرى لذيذة مع القهوة الخليجية !!!!!!!!!!!!!!!!!!!!

اليازي-UAE
اليازي-UAE
يازين اللبان من صلاله
ولاتنسى الحلوى العمانيه
الله يحفظ لك الوالده

بقايا ليل
بقايا ليل
أخوي الغالي mbc54321
حياك الله وبياك
أولاً موضوع جداً راق لي >>> وش دخلني فيك طيب منااك بس ،،
اليوم .. اليووم بتاريخ 28 أغسطس جالسن عقب صلاة المغرب مع العائلة الكريمة
وأنا جالسن معهم قلت لميمتي يمه .. انا بطلع صلالة .. قالت ماشاء الله
ومتى ناوي الروحة قلت يكرة أن شاء الله .. قالت أيه زين
أجل أمسك هالفنجال وأسمع ياوليدي الله يوقى عمرك ,,
ومسكت يدي اليمين وفرقت أصابعي وقالت بسم الله
جب معك :-
1- بخور عماني من النوع الجيد
2- جب معك حلوى عمانية تراهم يمدحونهاا >> وهيتناظرني بعينها وماسكة أذني هع
3- وحب معك علوكة وش أسمها ذيك اللي ياكلوونها >> تقصد لبان يافديتهاا ياناس
4- وجب معك مداخن وديرم
هذا اللي وصتني علية الله يحفظها ويرعاها يارب
يعطيك العافية حبيب القلب وانا بكرة بإذن اللي ماتنام عينة ماشي صلالة
وأن شاء الله أتواصل معاكم بالصور والحركتات الحلوة
تحيتي لك
شووكرن


خصم يصل إلى 25%