الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الفهد2006
12-12-2022 - 03:38 pm
السلام عليكم ورحمة الله وبركاته
في البداية احب اشكر الاعضاء اللي استفدت منهم كثير قبل ما اروح لموريشيوس واولهم الاخ الفاضل ابو عزوز وفتى الشرقية والجواد والفهد وهنو وغيرهم الكثير اللي ما تحضرني اسماءهم في الوقت الحاضر
رحلتي كانت صيف2006
البداية كانت من طيران الامارات
خط الرحلة الرياض – دبي – موريشيوس – دبي – الرياض
تكاليف الرحلة 15000 ريال شاملة التذاكر والسكن والتنقل من والى المطار
ووجبة الفطور والعشاء
مدة الاقامة 7 ليالي في الهيلتون و3 ليالي في جراند حياة دبي
بسم الله نبدأ الرحلة
الاقلاع من مطار دبي 3 فجرا
الوصول لمريشيوس 9 صباحا
مدة الرحلة 6 ساعات
اليوم الاول
استقبلنا مكتب وايت ساند من المطار وكان الجو اكثر من رائع وفي الطريق الى الفندق تشوف كم
هائل من مزارع السكر كأن مالهم شغله غير زراعة السكر
جلسنا بالطريق تقريبا ساعة
اول ما وصلنا الهيلتون استقبلنا بدقة طبل قوية تقول جايهم وزير عطونا مشروب ترحيبي لك عليه
طعمه غريب جدا استلمنا الغرفة وكانت المفاجأة!!!!!!!!!!!!!!!!!!!!!!!!!!!
جلست اطالع يمين وشمال وين البحر ؟؟؟ ماشفته سألت الموظف قلت له انا حاجز غرفة مطلة على البحر
وين البحر ؟؟؟؟ قال هنا تعال شف ............
ويسحب يدي ويطلعني مع البلكونه ويقول شفت البحر هناك !!!!!!!:112:
قلت الحين ضارب مشوار وعلى بالي رومانسي ومسوي مفاجأة لام العيال وتاليتها يصير البحر
هناك قلت لا يالطيب انا ابي اشوف البحر وانا جالس جوا الغرفة وكان هذا اتفاقي مع المكتب من
الرياض قال مايصير خاطرك الا طيب تعال شف غرفه ثانيه ونروح لغرفة رقم 1005 ما بينك وبين البحر الا ست
امتار وتشوف البحر وانت جالس في الغرفة قلت ايه هاذي حلوه قال اجل انتظر ربع ساعة نجهزها لك
قلت انتظر ليه لا
واتسدح عند البحر خويكم ميت من التعب بس قلت لازم اصير جنب البحر
شوي وقالوا الغرفة جاهزة
حطوا لنا الورد بالحمام اعزكم الله
وتشيرت لي وشال للمدام على السرير وويلكم
اول ما دخلت الغرفة حطيت راسي ونمت
المهم صحيت على العصر طلعت اتمشى على البحر وصراحة تشوف شي غريب اول مرة اصادف بحر وجو
حلو بدون رطوبه ومناظر طبيعية في فصل الصيف
طلعت للسوبرماركت اخذت بعض الاغراض ورجعت بس اسعار التكاسي غالية انا ماتذكر
السعر بالضبط بس اتذكر انه كان مايستاهل لان السوبر ماركت كان قريب
رجعت للفندق وكان بوفيه العشاء يبدأ الساعة 7 وانا ميت جوع طبعا انا اول من قص الشريط
انتهى اليوم الاول


رحلتي الى الجزر السياحية
التعليقات (9)
Dr_R7aAaL
Dr_R7aAaL
هلا يا عريس

سواح شرقي
سواح شرقي
تقرير حلو وبانتظار باقي التقرير يالغالي
وزين قلت رقم الغرفة المطلة على البحر قبل لا ننتكب
تحياتي

الفهد2006
الفهد2006
Dr_R7aAaL
هلا وغلا فيك اخوي
بس على فكرة انا رايح مو عريس بس مسوي نفسي عريس ههه

الفهد2006
الفهد2006
سواح شرقي
شكرا لك اخوي سواح شرقي
وبالنسبة للغرف افضل غرفة في الهيلتون هي 1001 لانها اول غرفة جهة البحر تليها الغرف 1005,1004,1003,1002 هاذي الغرف في الدور الاول وميزتها انها بعيدة عن المطعم والصجة والازعاج بالليل لانهم احيانا يجبون مغنين وموسيقى فلو كانت غرفتك قريبة من موقع المطعم اكيد بتنزعج هذا للناس اللي مثلي يحبون الهدوء والرومانسية ههه

الفهد2006
الفهد2006
  1. الحمد لله المطر وقف بس صارت الارض طين في طين يا سلالالالالالالالام


اليوم الثاني
طبعا مثل البارح انا اول من قص شريط الفطور وذا العالم بس تناظر فيك اللي يقول لك قودمورننق
واللي يقولك ويلكم .................... صراحة عندهم حفاوه بزيادة وصدق من سماهم جزيرة السكر
والابتسامات ما تشوفهم الا مبتسمين ويتمنون انك تكون سعيد عندهم
خلصنا فطور وحجزت مع مكتب وايت ساند لرحلة لمحمية (ايتلوا) ومعليش يا اخوان بالنسبة للاسعار نسيتها
بالمرة كنت كاتبها وبعد ما رجعت اعطيتها واحد من الزملاء كان بيروح
المهم طلعنا المحمية الساعة 11 وكان السواق اسمه ابو بكر مسلم وجلسنا في الطريق تقريبا ساعتين او
ساعة ونص شوارعهم ضيقة جدا طبعا السواق ينتظرنا استقبلونا بالعصير بس هالمرة عصير برتقال وبعدين
خلونا نجرب الرماية واتنافس انا وواحد فرنسي كل واحد له ثلاث رميات تتوقعون من ربح روبن هود والا
الفارس المغوار
طبعا انا الفارس المغوار ههه
وبعد مار مينا انفتحت السماء علينا وينزل هاك المطر قلنا وشلون بنطلع في المطر قال لنا المرشد ماعليكم
وهويضحك والجو كان بارد وطبعا ما جبنا معنا ملابس وهاذي غلطة لازم تاخذ معك غيار كامل حتى الجزمة
( اعزكم الله ) تغدينا وكانوا قايلين لنا ان الغداء حلال بس صراحة اكلهم يعني مو قد كذا

الحمد لله المطر وقف بس صارت الارض طين في طين يا سلالالالالالالالام

محمية (ايتلوا) ما اقدر اوصفها لكم نهر وجبال وجداول يعني خيالdata_travel/data/1968/medium/IMGA0016.JPGقبل الانطلاق
هنا الغزلان من بعيد
وهنا من قريب

missy
missy
تقرير حلو من بدايته
وحلوه فكره شهر العسل الثاني
الله يوفقكم ويهنيكم يارب

الفهد2006
الفهد2006
missy
حياك الله
وبالفعل انصح كل المتزوجين بفكرة شهر العسل الثاني طبعا لا تفهمون غلط اقصد تروح انت وام عيالك تسترجعون الذكريات انا صراحة ما فرقت نفسي عن ايام شهر العسل بل يمكن تكون احسن

الفهد2006
الفهد2006
اليوم الثالث
بعد ما افطرنا اخذنا تاكسي ب2000 روبية
رحنا لشلالات شاماريل وفي الطريق وقف بنا السواق نشوف اشجار القهوة والاناناسومر بنا على اماكن لاستخراج الملح وصراحة كان السواق رايق يبي يوريك كل شي تقول ولا احسن
مرشد سياحي وبعد ما وصلنا للشلال كان المنظر خيالي على انك تشوف الشلال من مكان بعيد الا ان
صوت المويه واضح وقوي جداطلعنا بعدها للارض الملونةوفي العودة شفنا جبال مخصصة لصيد الوعول وقال لنا صاحب التاكسي ممكن احجز لك وتطلع تصيد بس انا
ماني من هواة الصيد
وبعدها رجعنا للفندق
وعلى فكرة نصيحة لمن راح موريشيوس لا يطلع مع شركات السياحة اللي هناك لانا اكتشفنا انهم غالين
مرة خذ لك سواك كل يوم ب2000روبيه وخليه يوديك وين ماتبي بس فيه بعض الاماكن لازم تحجز قبل ما
تروح مثل محمية ايتلوا والغواصة
وبالنسبة للشلال والارض الملونة وحديقة كاسيلا للطيور ممكن تخليها كلها في يوم واحد لانها في منطقة
وحدة

نجمة النجوم
نجمة النجوم
تقرير رائع كمل واحنا على المتابعه


خصم يصل إلى 25%