اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
tiga koda
09-09-2022 - 10:37 pm
بسم الله الرحمن الرحيم
السلام عليكم ورحمة الله وبركاته ..
ووشلونكم شباب ؟
ان شا الله باتم صحة و عافيه يا رب
انا ان شا الله رحلتي لجاكا يوم السبت القادم :بيب:
وناوي هالمره اسكن في شقق لان بيجي هالمره معي ناس راعين طبخ ونفخ :35:
طبعا ما همتنا الفلووس كثر ما تهمنا الراحه و النظافه ..
انا صحيح اني رحت للعمه عدة مرات وبعدها انقطعت لمدة 5 سنوات وكنت في تلك الايام اسكن في فنادق فقط ولم اجرب الشقق في حياتي ..
سمعت ان الميركوري في القائمه السوداء من الشباب ؟!؟!؟
وبعدين سمعت في اخر الايام ان الميركوري تغير بالكامل حيث انها قامت شركة من الشركات بشرائه وتغيير كامل للطاقم فيه !!
وسمعت الالسون مشبووه وغير نظيف !!!
ما ادري بالضبط وش الشقق المناسبه والجميله !!!!
انا من يومين سمعت عن الاستون سوديرمان .. بس يوم بحثت عنه في النت اتضح لي انه فندق !! صح الكلام هذا مع ان الشباب يقولون انه شقق وفخمه ورائعه ؟!!
ما اطول عليكم يا الغالين ..المهم ابيكم تشورون علي بالشقق الزينه و النظيفه واللي تصفطونها لنا بارك الله فيكم ..
أخوكم ابو عبدالله ..


التعليقات (9)
saya ini
saya ini
الاستون اكبر من رائع وهو شقق فحمة وسعرها 3 غرف توم ما يقارب 1.1 مليون وجنبه سوق ممتاز
توكل على الله , بس ترا تكثر فيه العوائل

SEMSEM
SEMSEM
Aston Sudirman
My Home in Jakarta
SEMSEM

tiga koda
tiga koda
هلاا وغلا ب saya ini
منور
والظاهر ان حنا بنعزم عليه بحول الله وقوته ..
لا هنت وانا اخوك ..

tiga koda
tiga koda
مشرفنا العزيز Semsem
يا هلا وغلا
منور
والله يعطيك الف عافيه على هالصوور اللي تشرح الصدر ..
والظاهر ان حنا بنسكن فيه ..
بس تصدق انك نسيت اهم شي !!!!!
يا ليتك وانا اخوك جايب صورة البد روم ( غرفة النوم ) اهم شي ..
لكن واضح انه فخم ما شا الله ..
تسلم هالديات ..
طيب ما اقدر اخذ له تخفيض من احد المكاتب السياحيه ك ( كاها ) مثلا ؟ ..
بانتظارك وابتنظار اراء الاخوه الكرام ..

&ابو عمر&
&ابو عمر&
السلام عليكم ورحمة الله وبركاتة
اخوى شقق الاستون سودرمان حليلة ونظيقة وراقية ....(وغالية) وموقعها طيب جداً
شقق الاستون راسونا حليلة وطيبة ونظيفة وسعرها مناسب جدا وموقعها طيب جداً عند السفارات تفتيش وانت داخل للمنطقة وتفتيش وانت داخل للشقة ((( الامان حلو)))
وعندك البتافيا موقع ممتاز قريبة من الاستون سودرمان بس في الجهه المقابلة المدخل الى الشقق لك علية بس هي طيبة وحليلة والوحيدة اللي جميع الغرف فيها سرير كبير .... اللي قبلها اذا اخذت شقة من غرفتين او ثلاث غرف تلقى فيه غرفة رئيسية بسرير كبير والغرف الاخرى بسرير مفرد.............
وسفرة سعيدة ومفيدة ً

tiga koda
tiga koda
معليش اخوي سمسم على السؤال عن مكتب كاها
ما انتبهت لل جيدا ..
طيب هل السعر 1100000 لثلاث غرف بعد التخفيض والا قبل ؟ يعني من مكتب كاها والا سعره الاصلي
واذا سعره الاصلي تتوقع بكم يعطيني اياه مكتب الكاها ؟
يا جعلك تسلم ..

tiga koda
tiga koda
هلا وغلا فيك ابو عمر ..
منور ..
يعطيك الف عافيه على هالمعلوماات القيمه بصراحه ..
وصدق اذا قالوا الزين ما يكمل !!
يعني الاستون سودرمان وش يخافوون لو خلوا السراير كلها كبيره ؟؟؟
بس يمكن قصدهم ان الشقق اصلا مخصصه للعوايل وان الغرفه ام سرير كبير للوالدين والباقي للعيال ..
بالنسبه للشقق الاستون راسونا الظاهر انها مشوار اذا كل ما جينا ودخلنا المنطقه بيسون تفتيش !!
احسبها متعبه ومقلقه شوي ..
عموما تسلم يدك ويسلم راسك وانا اخوك ..
وبنتظار باقي الاخوان ..

tiga koda
tiga koda
لتصحيح الكلمه في السطر الثالث من الاخير

السيفي778
السيفي778
اخي العزيز
شقق استون سوديرمان الفندقيه رائعه جدا وانا سكنت بها لمدة اسبوع ( الاسبوع الماضي ) عن طريق مكتب كاها اللي مقابل الاتريوم ثلاث غرف بسعر مليون وسبعين الف روبيه واعطوني شقه بالدور 56 وتعبت من الظغط الجوي لانها عاليه جدا وغيرت في اليوم الثاني الى الدور السابع مطله على المسبح وارتحنا بها جدا خدمه ونظافه وطبخ ونفخ وكل شي متوفر وانصحك بطلب الشقه اقل من الدور الثلاثين اما بالنسبه لغرف النوم الغرفه الرئيسيه سرير مزوج والغرفتين الاخرى سرير مفرد هذا ماأود ايضاحه والرأى لك
وتقبل تحياتى


خصم يصل إلى 25%