- جانب آخر من داخل السفينه ولاحظوا حداثة الأثاث
السلام عليكم ورحمة الله وبركاته
إلى احلى منتدى .. العرب المسافروون
هذا ثاني موضوع اضعه بين ايديكم
وان شاءالله ألقى الرضى عندكم ..
موضوعي عن :جزيرة فيلكا .. التابعة لدولة الكويت
فطبعا الكل يعرف ان الكويت لها 7 جزر بس الجزيرة الوحديه المأهوله بالسكان هي جزيرة فيلكا
كانت فيكا جزيرة مأهوله بالسكان وبعد الغزو العراقي على الكويت تم طرد جميع أهاليها منها لجعلها قاعده عسكريه عراقيه .. والحمد لله ان تم التحرير .. ولكن بعد التحرير تم تثمين جميع البيوت لماليكها وشراء بيوت بالكويت .. وبعد مرور سنين .. تم عمل القرية التراثيه بواسطه فندق السفيرالكويتي ..
وكانت لي زيارات عديده للجزيره ..
تقريبا من بعد التحرير إلى الآن ... يعني وايد
وهذه الزياره اللي الحين بين ايديكم كانت بتاريخ 4-1-2007م
بواسطه سفينة أم الخير
وكان سعر التذكره للسخص الكبير 7 دنانير كويتي ذهابا وإيابا وللطفل 5 دنانير شامله وجبة غداء أو عشاء .
بس الحين تغير السعر صار الشخص الكبير 12 دينار والصغير 8 دنانير (( وكل سنة تغلى وتغلى :112)
بالنسبه للسكن .. راح زوجي فندق السفير بالكويت وحجز لنا غرفة مطله عالبحر لفندق اسمه فندق ايكاروس في جزيرة فيلكا وسعر الغرفة 35 دينار كويتي أي ما يعادي 130 دولار .
وطبعا رحنا انا وزوجي .. وشرينا بعض المأكولات الخفيفه كالتوست والجبن كرافت (( أساس الرحله)) والعصاير وغيرها .. استعدادا للرحله ..
توجهنا قبل الرحله بيومين إلى مكتب حجز التذاكر للسفينه (( العباره)) اسمها أم الخير الموجوده في مرسى المارينا مول مقابل ستاربكس مارينا كريسنت فتم حجز تذكرتين والرجعه بعد 3 ايام .. لان حجز غرفتنا 3 ايام أي ليلتين ..
بداية الرحله بالصور ..
هذي صورة تبين موعد الرحلات القادمة والمغادرة لاحظوا التكنولوجيا باللوحه المغناطيسية
التذكره .. ويكتب بها عدد الأشخاص
الصورة تبين السفينة ( ام الخير )
عند بداية دخولنا السفينة .. وكل واحد ماسك اغراضه بيدة ..
واضح البحر ... قبل ما نحرك ...
من الداخل .. طبعا تختار الكرسي اللي تبيه .. وأفضل مكان يم الدريشه وتقريبا آخر الكراسي لسهوله النزول .
هذا مكانا في السفينة كرسيين بجانب البحر لاحظوا البحر بالدريشه اللي يمنا ..
جانب آخر من داخل السفينه ولاحظوا حداثة الأثاث
قرر الكابتن ان تمشي السفينه وبالمكرفون نسمعه بالبداية سلم علينا .. وقالنا no SMOKING please ومعلومات بسيطه عن فيلكا وموعد الرحله الثانيه (( لان اغلب الناس ايوون يقعدون في فيلكا 3 ساعات ويرجعون :112: )) المفروض يحجزون عالأقل ليله عشان يستمتعون بالجزيرة ومرافقها 3 ساعات ما تسوي شئ !!!
اول ما وصلنا وكان القطار(( قطار الوطنيه )) بإنتظارنا .. يوصلنا ليه الفندق .. مع اغراضنا ..
(( تم الوصول بحمدلله إلى جزيرة فيلكا بالتحديد القرية التراثية التابعه لفندق سفير الكويت ومدة الرحله 25 دقيقة ))
ي
ت
ب
ع
عند وصولنا للجزيره ..
