1. بداية شارع العرب شباب بس يلبسو لبس حريم وينادوا أي واحد عربي.

السلام عليكم ورحمة الله وبركاته ..
أما بعد نصيحه لاخواني إلي مسافرين ماليزيا أقول لكم إنتبهوا عند فندق أستانا

بداية شارع العرب شباب بس يلبسو لبس حريم وينادوا أي واحد عربي.

العام أنا وأخوي راجعين من شارع العرب حوالي الساعة 12 في الليل إلي واحد ينادينا شكله حرمه وكان يدخن أنا عن نفسي خفت لأني كنت ورى أخويه بمسافه قريبه وكان فندقنا بعيد شوي كان فندق أسكت
المهم كان ينادينا ويضحك كان معاه ثلاث رجال نفس الشكل أنا عن نفسي خفت وقلت لأخوي بسرعة تلاقيهم حراميه قال لاتخاف تراهم بس يستهبلوا أنا عن نفسي أوجز أنهم حركاتهم مهي حركات ناس يستهبلوا المهم طول الطريق وأنا اناظر وراي من كثر الخوف في الاخير لما قربنا من الفندق جلست اهرول أخوي قال لي ليه تهرول شكلك خايف قلت أفى عليك أنا اخاف من مين قالي من الناس إلي كانوا هناك قلت ابد ماني خايف قلي طيب ليه تهرول قمت صرفته قلتله تعرف الواحد لمى يتعشى ماكدونالدز يسير ثقيل وترى بطني يعورني ابغى التواليت ((أكرمكم الله)) ودخلت الفندق وانا تعبان من المشي السريع.
الخلاصة أنتبهوا من الشارع إلي عند أستانا تراه مهو آمن ونصيحه ايو واحد يناديك سوا كان في الصباح في الليل وانته ماتعرفه سوي أنك ماسمعته لأن اكثر السرقات عن طريق هذي الحركة .
أخوكم ولد التاجر ...
دمتم بود