بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
yazude
25-10-2022 - 07:49 pm
(( بسم الله الرحمن الرحيم))
السلام عليكم ورحمة الله وبركاته .....
بما اني مشترك جديد في هذا المنتدى اهنئكم على مواضيعكم الرائعه والجميله
انا مبتعث جديد الى بريطانيا وبحمد لله وعونه تم قبولي في جامعة ريدينج في منطقة ريدينج وبأذن الله خلال شهر اكون هناك اريد ان اعرف كيف احوال المنطقه هناك وهل الاسعار هناك ارخص مقارنتن بالندن من كل النواحي طبعا لأنو مكافئتي ((850)) باوند والكثير يقولون ما تكفي فأرجو افادتي عن اسعار السكن هناك علمن انو السكن لشخصين انا واختي وهل بسطاعتي العمل هناك
شاكرين لكم ...


الدراسة في بريطانيا
التعليقات (9)
هومي
هومي
انتبه
غاليه جدا الشقق تتراوح بين 700 باوند و 1000 باوند لكن شقق فخمة
وريدنغ كبيرة ويسكنها الكثير من الاغنياء

ملبورن
ملبورن
وعليكم السلام ورحمة الله وبركاته
تسلم اخوي yazude على ما قلت ومرحباً بك بيننا
يالغالي مدينة ريدنق صغيرة مره وطبعاً هي أرخص من لندن وكمان كامبرديج بكثير والمدينة فيها عرب ومسلمين كثير والمدينة هادية مره وجامعتها من أفضل الجامعات في بريطانيا
بخصوص الشقق فتتراوح اسعارها مابين 550 - 700 باوند في الشهر
يالغالي لو احتجت شي نحن موجودين من أجلكم
مع خالص حبي

yazude
yazude
اولا : اشكر اخوي هومي على الرد السريع هذا بس صراحه خوفني من كلمة (( انتبه ))
ثانيا : اشكرك اخوي ملبورن على الرد الرائع واتمنا لو كان عنك معلومات اكثر ما تبخل عينا وتفهمنا اكثر واكثر لأنك صراحه ارحتني اكثر من الاخ هومي بنسبه لي الشقق اخوي انا قلت لو ناخذ استديو احسن لشخصين لانه ارخص ولا وش رياك اخوي بما انك لك خبره في بريطانيا يا ليت اذا تعرفلي مناطق لسكن قريبه من الجامعه تدلني عليها جزاك الله الف خير

ملبورن
ملبورن
يالغالي yazude لا تشيل هم ترى المدينة فيها سعوديين وسمعت كمان انه فيها عدد عوائل طيب والمدينة فيها مسجدين والوضع تمام من جميع النواحي
ابشر يالغالي على المعلومات بس ممكن اعرف ايش تبغى تعرف
بخصوص شقة والا استديو والله يالغالي انا أشوف انه افضل شقة الا اذا كان الأستديو نظيف مره
على فكرة انت كلمت الجامعة بخصوص السكن
مع خالص حبي

yazude
yazude
تسلم اخوي ملبورن من جهة الجامعه بخصوص السكن خاطبتني رسمين بس انا الي افضل السكن خارج الجامعه وافضل اني اسكن في شقه او استديو اذا كان نظيف على قولتك لأني مو لحالي انا وكريمتي ... اخوي لو كان عندك خلفيه عن المنطقه بغيت اماكن لسكن تكون قريبه من الجامعه وطبعا شرط اساسي ان السعر يكون معقول ونظيفه وهل الماء والكهرباء مع الايجار ولا انا ادفعه بلحاله لان في شباب قالولي فيه كذا وفيه كذا ... سؤال اخر اخوي بنسبه للعمل هناك هل بأمكاني العمل بعد دوام الجامعه او المعهد لاتمضيت الوقت وزيادت الدخل الشهري وهل هناك سعوديين يعملون ام انا اول واحد لانك عارف اخوي ان المكافئه ((850)) باوند ما تكفي و الواحد يبغا يرفه عن نفسه في اوقات الاجازه هناك .... سامحنا كثرنا عليك الاسئله (( شاكرين لك اخوي ملبورن ))

ملبورن
ملبورن
هلا ومليون غلا بأخوي الحلوه yazude
يالغالي انا ما عندي علم كافي بالمنطقة بحكم اني ما سكنت فيها ولكن المدينة فيها عرب ومسلمين واكثر العرب من السعودية وبخصوص هل في أحد يشتغل والله ما عندي علم لانه انا خارج بريطانيا من نهاية أغسطس عام 2004 ولكن أيامنا سمعت انه في طلاب عرب يشتغلون في ريدنق فأتوقع انك راح تلاقي
ولكن يالغالي انا أشوف انك تراسل المسجد والمسلمين هناك يضبطوا وضعك او انك تأخذ فندق في البداية ولما توصل بالسلامة تبحث عن شقة وانت مرتاح واصلاً راح تلاقي عرب طلاب وراح يساعدوك
يالغالي أدخل هذا الرابط وان شاء الله يفيدك = اضغط هنا http://www.readingtourism.org.uk/
مع خالص حبي

yazude
yazude
اشكرك اخوي ملبورن وسامحنا تعبناك معانا وجزاك الله الف خير على هذي المعلومات الرائعه واتمنا من الله إن يوفقنا في مسيرتنا العلميه وإن شاء الله ربك بسهلها علينا ... بس عفوا اخوي ملبورن ترا الرابط مو باين عندي

ملبورن
ملبورن
وش دعوة يالغالي انا ما سويت شي وما أقول غير الله يوفقكم
يالغالي هذا الرابط = http://www.readingtourism.org.uk/
يالغالي هذي تلفونات مساجد ريدنق صدقني راح يفيدونك كثير واذا ما فهمت عليهم اطلب منهم تتكلم مع واحد من الطلاب السعوديين وصدقني راح يدلوك ويساعدونك كثير
1- Telephone Number: 0118-950-8860
2- Telephone Number: 0118 901 2404
3 - Telephone Number: 0118 -926 1565
4- Telephone Number: 01189504756
مع خالص حبي

yazude
yazude
اشكرك كثير الشكر اخوي ملبورن والصراحه ما قصرت كفيت و وفيت على المعلومات الصغيره هذي وإن شاء الله يفيدوني


خصم يصل إلى 25%