سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المهذب.
08-03-2022 - 09:27 am
السلام عليكم ورحمة الله وبركاته
لحظة ...لحظة ...تكفى يا الغالي ...أنا رايح لسوريا هاليومين ان شاء الله ...لأول مرة ...ابي أعالج هالظروس اللي ذبحتني ...اللي الناس تاكل على ظروسها وأنا آكل على سنوني اللي قدام تقول سنجاب ...
لحظة لا تتململ اسمع العلم ...
وكنها من كثر ماآكل عليها سنوني طالت شوي ....
وأبي هالفزعة من الوجيه السفرة ....
أبي لي دكتور عليه الشرهة ...ولحية غانمة ..
ويستحي من الرجاجيل اللي شرواكم ( شرواي الطيب ! ) .مهو من اللي لشاف الخليجي كأنه مصباح علاء الدين ... يبي لف من هالفلوس ...بس أبيه في دمشق تكفون...هذا الطلب الأول ...
أما الطلب الثاني يالغالي ... أبي من هالاماكن الحلوة اللي على كيف كيفك الزينه في دمشق ...
بس ما فيها من هالخرابيط ..
ويقولون أن الحين وقت جميع الفواكة الزينة نبي من هالمزارع ...!!!
أقول ليش أطولها انا عرضت هالمشكلة وربعي ما هم مخليني ...تكفون ...


التعليقات (6)
شرقاوي
شرقاوي
http://www.geocities.com/hakemasnan/index_cena.htm
هذا الموقع يمكن يفيدك
انتبة على نفسك من هالمزارع لاتقتث وانا اخوك
وبخصوص المواقع الزينة تقدر ترجع للمواضيع بالمنتدى وراح تلاقي اللى تبحث عنة تعب نفسك شوي
شرقاوي

KABAYAN
KABAYAN
هلا بالغالي المهذب
يقولون أهل مكة أدرى بشعابها
لذلك أنصحك أولاً باالسكن في المزة من مزة الجبل ومزة الشيخ سعد أو ابو رمانه
واذا كنت اول مرة رح لفندق حليو عشان ما ينصبون عليك
ومن بكرة رح للسفارة وهم يقولون لك كل شي من عيادات وشقق
اما المزارع عندك طريق التل بس لازم تلقى أحد تثق فيه لحد ما توصل يبرود ومعلولا
اذا كنت بتبتعد عن الأستغلال في الزبداني وبلودان،،،

المهذب.
المهذب.
((((( *** مرحبا بأهل الفزعات والنخوة *** )))مرحبابك KABAYAN يا الرفق القديم الجديد ...
تصدق إني أفرح لشفت اسمك ...
والنعم فيك يا راعي الفزعة ...
أما الحبيب شرقاوي الله يستر انا من الحين استعد للهده على الخضره
عسى ما آكل الخضرة وحذف الفاكهة على بالي فصم ...
وأشكرك على الموقع الممتاز يا عزيزي
ويالله للمزيد من الفزعة يا أهل الوجيه السفرة
((((( *** مرحبا بأهل الفزعات والنخوة *** )))

ابو ملاك
ابو ملاك
الاخ المهذب يوجد عنوان لدكتور اسنان على هذا الرابط ونصيحتي لك ان تأخذ حقنة فيروس الكبد الوبائي قبل علاج اسنانك هناك وهي متوفره في اغلب المستوصفات والمستشفيات هنا بسبب ضعف تعقيم ادوات الاسنان هناك
https://artravelers.com

ســKSAــعودي
ســKSAــعودي
هلا اخوي المهذب
اعتقد الشباب وفو وكفوو
بس عندي شوي زياده
فيه دكتور اسمه زياد ماشفج في مساكن برزه عند الكشك الفرنسي
كان واحد من خويانا سنونه تقول خرامه ورق...
عالج عنده وتوازت خشته..
يوم رجع ... يبي يحب راس امه وتغطى امه عنه ما عرفته
وانا بعد عالجت عنده شغله ميه الميه ويده خفيفه يعني ما تحس با الام..
وبنسبه الاماكن الحلوه الي تقول...
دمشق كلها حلوه .. عندك اسواق الحميديه وجبل قاسيون والارض السعيده
وبا الليل انت والمطاعم والمقاهي.. وهذاك الجو الزين...

azizto
azizto
جزاكم الله خير .............جزاكم الله خير .............جزاكم الله خير ..........جزاكم الله خير ..........
الله يبارك فيكم يا الحبايب
شرقاوي
KABAYAN
ابو ملاك
سKSAعودي
مشكور سKSAعودي ...... مشكورابو ملاك.......مشكورKABAYAN.....مشكور شرقاوي .....


خصم يصل إلى 25%