والله انا مثلك أخوي kaka
انا قريت كم موضوع لاحد الشباب اللي راحو هناك
وينصحون بالشقق والفلل اللي هناك ؟
طيب هل معناتها أسعار الفنادق غاليه ؟ او ان الخدمه رديئه فيها ؟
وش الفرق بين الفنادق والسكن العادي هناك مثل الشقق
سؤال أخير أضيفه على هذا الرد : هل مدة اسبوعين كافيه للمرور على المناطق السياحيه في رومانيا ؟
ومشكورين

الاخ كاكا ,,, ,
أول شي ماهي الخطوط اللتي تصل بوخارست او اي منطقة رومانية من الرياض؟
الخطوط التركيه هي الافضل والاقصر مشوار ,, لانها رياض -اسطانبول-اسطانبول -بخارست. فيه الرومانيه , بس تروح لدبي اول .
الشي الثاني انا معاي فيزا تشنجن انتهت قبل سنة تقريبا لما اقدم على فيزا رومانيا كم تستغرق وقت؟؟
بالنسبه للشنجن ما تقدر تدخل فيها لرومانيا حتى لو باقي صالحه , الفيزا الرومانيه ما تاخذ اكثر من شهر ,, يعني اسبوعين تقريباً .
ثالثاً ماهي المدن اللي يفضل الاقامة فيها مع ذكر مميزات المدن وكم أجلس في كل مدينة؟؟
اول شيء دامك ظكذت السوق والهدايا , بخارست .يومين. لان فيها مولات واسواق كثير ,, بالنسبه للطبيعه الجبليه , فيه براشوف وسينايا وبويانا براشوف ,,4-5 ايام ..,, مميزاتها جبليه وبحيرات ومثل اي منطقه جبليه ما ادري وش اقول اكثر ,,
ثناياً ,كونستاتسا , مامايا , نيبتون ,4 ايام , هذولي مناطق ساحليه ,, بحر ,, مميزاتها من اجمل شواطيء البحر الاسود ,
فيه سيقشوارا ,, والمناطق الي حواليها ,, يعني محافظة ترانسلفانيا ,, مناطق حلوه وطبيعه حلوه ,, وتستحق الزياره ,, 4 ايام ,,
ما تعمقت في الوصف يعني ما وصفت كل منطقه وش فيها بالظبط اعذرني ,, بس اتمنى اني اقدر افيد ولو بالقليل .
واذا بتنصحوني بفنادق معينة أكون لكم من الشاكرين وهل أحجز فنادقي من هنا والا من هناك أرخص؟؟
ما اقدر احدد لك فندق . بس افضل شيء تجي هنا وتحجز من هنا .
وأين توجد مدن الملاهي في رومانيا ؟؟
في بخارست ما شفت صراحه ممكن يكون فيه وما اعرف , مو متأكد ,, بس الي شفته في كونستانتسا ,, ولا هو مدينة الملاهي الي عليها الكلام ,, يعني تمشي حالها
وأي المدن الرومانية تكون الأفضل للتسوق والهدايا؟؟
بخارست تلاقي فيها كل شيء سواءً تراثي او ماركات ..

بالنسبه للاخ ديث كيس ....
وش الفرق بين الفنادق والسكن العادي هناك مثل الشقق ؟
الشقق ارخص او نفس السعر احياناً والفرق ان شقه او فله اكيد افضل من غرفه في فندق , هذا لو كنتو مجموعه ,,
هل مدة اسبوعين كافيه للمرور على المناطق السياحيه في رومانيا ؟
اكيد كافيه ,, بس مو مره ,, يعني خلال اسبوعين تقدرون تزورون 4 مناطق وتظلون في كل منطقه 3 ايام ,, ويبقالكم يومين يوم الوصول ,, ويوم المغادره في العاصمه بخارست .

مشكور اخوي على المعلومات القيمه جدا ويعطيك الف عافيه

أشكر كم على التوضيحات الرائعة
لكن كيفية التنقل بين المدن والمناطق وما هي أفضلها

وكذلك بسأل هل بوخارست فيها ساحات مثل ساحات باريس وروما وميلان

التنقل بين المدن يكون ,, يا تستأجر سياره اذا كنت من محبي الرحلات بالسياره والمغامره , او عن طريق القطار , او الطيران الي ا انصح فيه , افضل شيء القطار وفي النهار عشان تتفرج على الطبيعه .
بالنسبه للساحات مو متأكد ميه بالميه ,, بس فيه ساحات تقام فيها مهرجانات في مواسم معينه ,

هلا والله اخوي عزوزلي احب اشكرك على الرد ,بس معليش احب اكون شوي دقيق اكثر بعد إذنك ابغى اسالك عن أسعار الشقق والفلل في رومانيا لو أسعار تقريبيه؟
ومن وجهة نظرك كم تتوقع راح تكلف رحلة ثلاثة شباب الى رومانيا لمدة 14 يوم من غير سعر التذاكر لأني حاجز ومنتهي في نهاية أوغست ((مع العلم اني من الناس اللي يحبون التمشي والاستكشاف))؟
وإذا ممكن أعرف الاسعار بالريال السعودي بعد إذنك.
شكرا وآسفين على الاطاله.

1. بوخارست تقريباً ساعه ونص

السلام عليكم
المشاركه الأولي لي في هذا المنتدي الحترم اخوكم ابوبدر من الكويت
انا زرت رومانيا سنة 2002
وحبيت اني اشارك معاكم (لعل) احد الأخوه يستفيد
بالنسبه لأرخص طيران (حسب علمي) الطيران السوري
كويت دمشق بوخارست سعر التذكره 170 دينار تقريباً 2300 ريال
سكنا في منطقه اسمها (سنايا) جبليه روعه بالطبيه
سعر فيلتنا 10 دنانير 120 ريال ثلاث غرف وصاله كبيره ومطبخ كبير وحديقه حلوه عموماً السكن كان حلو
وفيها فندقين كبار هوليدي أن موقعه ممتاز
وفندق سنايا وسط المنطقه
ماعرف اسعارهم
فيها اسواق حليوه لابأس
فيها خوش قهاوي
حديقه حلوه
تل فريك
نهر عشر دقايق بسياره يصلح للكشته ورحلة شوي
اهلها طيبين ومحد له شغل فيك (طبعاً لاتحارش احد)
لايوجد مطاعم اسلاميه فيها يستحسن تكون نباتي او تاخذ شغلك من السوبرماركت وتظبط شغلك بنفسك
المنطقه جوها ممتاز وطبيعتها خلابه وهادئه تصلح للأسترخاء الذهني
نصلي المغرب الساعه تقريباً 10 وبعدها تقل الحركه فيها بشكل واضح طبعاً نهارهم طويل ويغنيك عن ليلهم
اخوكم مايسهر ولا يعسعس
حلاتها يكون قروب شباب
اشوف انها تصلح للعوائل وذلك لنسبة الأمان فيها وهدوئها
يستحسن انك تطلع منها وتاخذ جولات للمناطق الثانيه وسكنك يكون فيها
مثلاً تروح بيانا براشوف ساعه بسياره عنها وماتحس بالوقت من حلات الطريق ومنها تزور قلعة دراكولا الخرافيه وتتمشي بسنتر المدينه وتتسوق

بوخارست تقريباً ساعه ونص

(اذا كان معاك عائله لاانصح بتجول بالليل انا ماشفت اي شي مريب لكن وجهت نظر)
سعر الخروف اللبيني 7 دنانير 90 ريال مافيه اطيب منه (طبعا يعتبر سعره رخيص لأني طحت علي بدوي روماني مواستغلالي وذبحت ذبيحتي عنده وهو وزوجته مشمئزين مني عشان ذكيته بالسكين لأنهم يضربون البهيمه علي راسها بمشعاب وياكلونها فطيس)
وسلامتكم