مرحبا
مسأله المعتمده هذي ترجع لها في وزراة التعليم العالي وهم يخبرونك عن الجامعات المعتمده والتخصصات المعتمده ايضا سواء كان في السعوديه او في الكويت او اي بلد ثاني ، نصيحتي لك اذا انك خليجي وبالاخص كويتي لاتروح هناك ...والباقي انت ادرى فيه ....بالتوفيق

بسم الله الرحمن الرحيم
حياك الله يا أخ يزيد
وجزاك الله خير على الإفادة
للأسف صحيح أن الكويتيين يعانون عندما يذهبون للأردن ولكن الأمر ستحق تحمل بعض المصاعب
وحتى الآن لم أقرر ولكني أبحث فقط
وجزاك الله خيرا

هلا ومرحبا اخوي ابو وليد
انا درست بالاردن ثلاثة سنوات ونص هندسه بجامعة الاسراء تخصص هندسه مدنيه والحمدلله خلصت قبل سنه .
وبالنسبه للوضع فهو عادي وانا انسان الحمد لله ماتعرضت لمضايقات مع العلم ان مافي مكان بالاردن الا ورحتله واللي يحط نفسه في اماكن واطيه ويروح لها فاكيد راح يلقى ناس واطيه ,,,
وانا ما انكر انه صارت فيه سرقات كثيره جدا وتعرض لشباب اعرفهم للتحرش وسرقة اموال وسيارات وشقق وهواش وما الى ذلك ناهيك عن تعاملهم الواطي والقله اللي منهم تحصله خدوم وطيب ويساعدك..
وبالنسبه لدراسة الهندسه الكهربائيه والميكانيكيه فعندك جامعة فلاديلفيا والجامعه التطبيقيه وجامعة عمان
وطبعا الرسوم الدراسيه تقريبا للساعه الواحده( يحسبون الوحده بساعه) 75 دينار اردني يعني 45 دينار كويتي يعني الماده ابو ثلاث ساعات ( ثلاث وحدات ) تطلع عليك 225 دينار اردني واذا قلنا راح تاخذ بالكورس كبدايه 15 ساعه ( 15 وحده) يكون السعر 1125 دينار اردني مع امكانية التقسيط على طول الكورس بحيث ماتدخل الامتحان النهائي الا بعد سدادك للرسوم كامله ناهيك عن المعيشه والسكن الغالي حتى بالنسبه لنا ككويتيين ,,,,
واعتقد لازم تروح بسياره اسهل لك واوفر لك مع العلم اني اعبي سيارتي وهي من نوع تويوتا افالون ب 25 دينار اردني ..
بس في رجال يسوى يسواله 1000 رجال وادعي الله انه يكون موجود اذا نويت انك تكمل وهو الدكتور حمد الدعيج الملحق الثقافي في السفاره وسلملي عليه كان جيته وقوله طلبت الكويت اللي تخرجوا يسلمون عليك...
وبالنهايه اخي الكريم انا انصحك بالدراسه وتوكل على الله

اما بالنسية لاعتماد الجامعات بالاردن فعليك بالتعليم العالي ولا تروح الا ما تعرف الجامعات المعتمده لان بين كل فتره وفتره يوقفون الاعتراف بجامعات ويعترفون بالاخرى ....
واعيد واكرر لازم تتاكد من التعليم العالي
وموفق خير ان شاء الله