القهر المطار بدا يصير مزدحم ,, وفيه صالة كاملة مغلقة من تاريخ انشاء المطار.. اللي اتوقع تكون تكاليف صيانتها و تجهيزها تعادل تكاليف انشاءها !!.. هذا اذا فكروا يفتحونها .. مشكلة المطارات .. الادارات الحكومية الفاشلة اللي تتعاقب عليها ..
ياخي عندنا دبي .. ممكن نستفيد من تجاربهم في هالمجال ولا فيها شي .. بس لا حياة لمن تنادي ..

اخوي Toty الصالة المقفلة الله يسلمك مسكونة جن ومليانة ديبان وعقارب

الخطوط السعوديه كلها مدحدره الصيف الماضي وانا راجع من سرلانكا طلبت من المضيفه تجيب لي ماء وما استجابة وبعد ما طلبت ثانيه رفعة صوتها علي قدام الناس وتدخل مضيف سعودي وجاب ماء وليت المضيفين رجال بدل هالحريم اللي كل العاملين بالخطوط يدلعونهم ويتعاملون معهم بمياعة الين صابهم الغرور وصدقو ان كل واحد يكلمهم يبي يحتك والملاحض لي باخر سفره ان المضيفات اللي بالطيارة غايه بالنعومه والجمال لاكن تعاملهم فيه غرور طبعآ المسؤلين ما عندهم مشكلة اذا كان اللي يبونه لقوه على حساب المسافرين !!!!!

قرأت المقال في الجريدة أمس ، وأعجبني جدا ، فعلا مطار الملك خالد في الرياض يعاني من ضعف أعمال الصيانة ولكن ليست النظافة .
الرخام - العربيات - كاونترات الجوازات بحاجة إلى تغيير أو تحسين أو استبدال .

عندم يكون هناك أحتكار ولا يوجد منافس ............ فلا شئ سوف يتغير

كلك
فعلا ضيافة المضيفين السعوديين أكثر من رائعة ، ويصلون في بعض المراحل إلى التدليل حتى لو كنت في الدرجة السياحية ، أما المضيفات العربيات فأكثر من سيئة ، وغالبا معبسات ولاوجود للضيافة ، تخيلوا تقول لي أحد المضيفات عند سفري لماليزيا " بدك دجاج وإلا هيدا " قلتلها ايش هو هيدا ، قالت ما بعرف !!!!! تخيلوا
مضيف سعودي عند رحلة العودة من ماليزيا إلى الرياض عرض على زوجتي استبدال الغداء عندما وجدها لم تأكل غدائها عندما قدم لأخذ الصواني ، وطول الرحلة وهو يعرض على المسافرين الماء والشاهي والقهوة ، فعلا كان مثال رائع للمضيف السعودي على الطائرة .

ليس مستغرب أن يخدمك المضيف السعودي بهذه الطريقه لأنها بلده وأخلاصه في العمل
المشكله تكمن في هالعربيات اللي رازات خشومهم علينا وخدمه سيئه ونفس شينه وثقل دم
حصلي موقف مع شاميه بالنسبه لكرت دخول ماليزيا غلطت في فقره وطلبت منها واحد قالت خلصو الكروت وأزعجتها ألين دبرت لي واحد من راكب معه زياده
(المضيفات يبي لهم عين حمرا )

والله لو المواطن ينسى الترفع شوي ويشتغل بدل هالوافدين لكانت الأمور على أحسن ما يرام
وافضل مثال سلطنة عمان اللي الكثير من دول الخليج يضحك ويستهزأ بشبابهم.. يكفيك الأحترام في التعامل مع المواطنين.
مثل ما ذكر الأخوان الأحتكار هو اللي مضيع كل شي لو فيه منافس لتحسنت الأوضاع بشكل كبير خوفا من ان يسحب البساط منها لكن للأسف طمع البعض .......... خلونا ساكتين ورانا شهر عسل