اخوي نواف مرحبا فيك معنا في بوابة المغرب
و اتمنى منك ان تحدد المدن الي تبي تزورها عشان نقدر نضع لك التكاليف للمدن الي تبي تزورها لان كل مدينة تختلف في الميزانية عن الاخرى
وبنسبة لي اتوقع بتكون في حوالي 17 الى 18 الف شاملة التذاكر و ممكن تزيد اذا كنت ناوي تقيم في كازا

من ناحيتي كل واحد يسافر معاه 8او 9 الالف ريال من غير التذاكر واذا تريد تستمتع اكثر زود 5 الالف ريال ونصيحتي اعرف كيف تصرف باقل ثمن وتستمتع اكثر .. وانت تعرف نحن الان في عصر ارتفاع الاسعار في كل شي وافلاس المواطن العربي في كل شي وان شاء الله تستمتع في سفرك وترحالك

الله يعطيكم العافية
و هل هذي التكاليف شامله السكن و مصاريف اليومية و الجولات السياحيه و المواصلات و التذكرة ؟
ما كأنها كثيرة يا جماعة ؟
و انا راح اروح كازا ما راح اخلي مكان ما اروح له
بس 18 ألف كثيرة في 15 يوم بس ما تشوفون كذا ؟
أحتاج آراء باقي الأعضاء و تجاربهم في سفرهم للمغرب
و تحياتي للأخوان اللي ردوا

اخوي نواف انا قلتلك الميزانية على اساس السكن في كازا و كازا تعتبر اغلى المدن المغربية و طبعا بما انك اولا مرة تسافر المغرب افضل انك تسكن في فندق و طبعا لانك اولا مرة تسافر المغرب راح تاكل في مطاعم كبيرة و معروفة لذلك اخوي نواف معدل صرفك كامل في اليوم في كازا راح يكون بين 1000 الى 1200 ريال اذا حسبنا السكن في غرفة دبل سعرها بيتراوح بين 400 الى 550 و الاكل والسهر راح يكلفك بين 150 الى 200 ريال في اليوم هذا بنسبة لاكازا ( كازا حلوة بس غالية )
وطبعا اذا كنت تبغى تغير الوجهة من كازا الى اي مدينة ثانية انا حاضر وطبعا اذا غيرت المدينة راح تنزل نصف الميزانية ( اغادير - مراكش - طنجة ) خارج الحسبة لانها اسعارها متقاربة مع كازا ولاكن تعتبر ارخص منها

اخوي نواف
اذا تبي تتمشى وتشوف المغرب وتشوف كم مدينة وراح تنبسط ابعد عن كازا مع احترامي للجميع .
وترا اذا بتروح تمشية وتلف كم مدينة راح تنزل الميزانية الي النصف وانت عايش ملك بس بدون سهر .
اصحى بكير وتمش الين وقت المغرب وبعدها حط راسك ونام تلقى الصحة فوق والفلوس موفرها في جيبك
اذا انت راعي تمشية وحل وترحال قول لي واخبرك وين تتمشى .

المغرب ترى غالية ماهيب رخيصة... خاصة السكن....
وفي النهاية على حسب مصاريفك, ووين تسكن, وهل انت متحفظ ومقتصد شوي ولا فالها ,ولا منهبل ( مثلي يوم رحت ههه )
بس تراها المرب عموما ماهيب رخيصة.... اذكر سواقنا قال عب لي بنزين قلت اوكي , عبي فل, عبى فل من نوع عادي اظن, طلع تقريبا الحساب 600 درهم تقريبا!
انصحك على الأقل تاخذ معك فلوس زيادة احتياط.... الا ان كنت تبي تجبر تفسك انك تتقيد بميزانية معينة...
0الف اتصور معقولة كمتوسط ل 15 يوم
انت اول شي شف السكن وين بتسكن فيه؟ وكم بيكلف في اليوم؟ لأنه هذا هو الاساس.... بعدين زدها اكل وشرب وتمشيات الخ وانت ادرى بمصاريفك, وزدها شوي احتياط لاي شي تكون ما عملت حسابه.....
ان كنتوا كثار, الفيلا واردة, وممكن تكون نفس السعر, بس لا بشرط لا يقل العدد عن خمسة او ستة.
شخصيا لو باروح مرة ثانية للمغرب ( ومانيب رايح ان شاء الله, والدليل اني اتسكع هنا في قسم المغرب ههه ), كازا ما لها نصيب ولا يوم.
في النهاية عشان تحسبها صح, اعرف وين بتسكن, وبكم, و نوعية المعيشة اللي تبي تعيشها ( مقتصد - متوسط - مرتاح - فالها ) .... غير كذا الاجوبة اللي بتجيك مختلفة وبتحيرك زيادة....