أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
هلا باهل الكويت
تكفون لاتردوني انا جايه الكويت الاسبوع الجاي وعندي سؤال .. اختكم من البحرين وطبعا سؤالي عن الثياب هل في تخفيضات وهل الثياب بالسوق كلها شتويه او في ملابس صيفي خبركم الصيف بدا..
ردواا علي بليز
تسلمون
حيالله اهل البحرين والله هذي الساعه المباركه
الكويت تعيش ايام مافيها لا موسم ولا شي والتنزيلات موجوده وعاديه والموسم الحين صيفي وبس راح الشتوي الله يهديج
الله يحييكم في بلدكم الكويت
بحكم أني كنت مرافق لوزارة الداخلية في أسواق الكويت الأسبوع الماضي
لم نلاحظ أي تخفيضات ..
وأكثر المحلات نزلت الصيفي ..
الأسواق تقريبا متشابهة المحلات لأن أكثرها ماركات ..
لكن لاحظنا اختلاف في سوق المهلب في حوللي ..
بشكل عام الأسواق كلها عامرة لكن أنصحك بزيارة المارينا مول لأنك ممكن تاخذين راحتك في التسوق واللي من عائلتك ماله رغبة في التسوق ما يقلقك لأنه سيجد مكان يستمتع فيه في المقاهي والمطاعم والشاطئ الرملي ..
أشوف الأهل يمدحون مكانين ..
الأول : البيوتات اللي جنب المستشفى الأميري على طريق الخليج وهي بيوت نسائية كاملة وتعرض فيها منتجات كويتية الصنع ..
الثاني سوق عربيد (الخياييط) اللي في الفروانية خلف الجمعية التعاونية عندهم جلابيات حلوة ..
طبعا هذه الخبرة اكتسبتها غصب لأني صرت مرافق شخصي للمعزبة
بالتوفيق أختي
الكويت تعيش ايام مافيها لا موسم ولا شي والتنزيلات موجوده وعاديه والموسم الحين صيفي وبس راح الشتوي الله يهديج
الله يحييكم في بلدكم الكويت