والله بودي اساعدك لكن والله مادري كيف
سوف احول ان اتصل باالاخوة في المغرب للاستفسار

بسم الله الرحمن الرحيم
الاخ العزيز 000 اكوا سنتو 000000 ( البيه ماهوب به) 000 تحية طيبة بلحب 0000
لادم انك منتب رايح تزحلق ( surfing) ولا تمشى وسباحه 000 وشوله رايح تفك السحر000
( ههه) امزح معك؟؟ بعدين وش توقع تدفع ؟ ممكن شقة ؟ والله انا مارحت لااغادير
بس احتمال اروح ان شاء الله ( خوفى من الغرق) 00 والغريق شهيد 000 والحريق شهيد !!!
على كل حال 00 اذا لقيت واحد قبل المغرب معه زمزمية قهوه وسكرى عنيزة اعرف انه انا 0000
وتعال نتقهوى 000 وذنبك مغفور وسعيك مشكور ياعم 000 وعلى الحب نلتقى 00000000

انا رايح اعرس بالعربي إن اراد الله
يعني موفر حق المرشد السياحي والنصابين والسهرات وغيرها
بس معقدني السكن لاني دافع دم قلبي بهالعرس والتذكرة
دبروني

عزيزى اكوا 0000 السلام عليكم ورحمة اللة وبركاته
وشو انت 000 كل يوم معرس 0000 الاخ شايب 000 بعدين تعطينا نصايح عن السحر 000 وتروح00
وانصحك 0000 من وجهة نضرى ان السورة اصرف !!! وشف معظم القصمان معهم سوريات من ايام
العقيلات الى يومك !!! زماشاءالله ست بيت السورية+ جمال خارق ؟؟ وتصدق انى رحت مرتين للمغرب
ومشتاق اروح 00للمرة الثالثة خاصة اغغادير 00 معنى ماجلست مع احد اطلاقا !!! بس الجو 00 والطبيعة
تخليك مرة ثانية 000 ودائم على الحب نلتقى 000 ( بعدين اكتب اول شى ياوحيد 0000 ) وعلى فكرة ياطالب
العلم ؟؟؟ هل يجوز فك السحر ؟؟ باى طريقة اى بلرقى الشرعية !!!!!

يا وحيد السفر
انا انسان صعب صعب جدا عليك تفهمني لاني انا ما فهمت نفسي اصلا ولا اللي حولي
الذي اريده من الموضوع تحقق بعضه الان
بعض المرات اتقمص الدور الذي انوي فعله وارى ما سيحدث
بالنسبة لفك السحر حسب مقاسه فيه مفك 14 وفيه 16 وفيه شيء ما ينفع فيه الا الكماشه والزراديه
>>>>> طالب علم

1. ( انا ما عمري رحت للمغرب ولا ودي اروح )=== لا تعليق.

أخي aku cinta kamu
نبارك لك الزواج مسبقا ، ونسأل الله أن يوفقك لكل خير.
طبعا أنا رأيت مشاركتك من البدايه ، ولكن كان لي تحفظ على الرد ، نظرا لجمله أنت كتبتها فقلت ماله داعي ترد والرجل ماله نفس أصلا ، والجمله هي :

( انا ما عمري رحت للمغرب ولا ودي اروح )=== لا تعليق.

ثانيا : لا نريد الدخول في أسرارك الشخصيه ، وحريتك ، فأنت لك الحق في إختيار الزوجه التي تناسبك من أي دوله كانت ، وجميع الدول العربيه والإسلاميه واحده لايوجد بينهم فرق ، والمسأله توفيق ، وصدقني نام على الجنب اللي يريحك ، ولايهمك أحد بما فيهم أنا ، وصدقني الزين والشين موجود في كل بلد ، والزوجات المغربيات رائعات بشهادة الشهود ، فتوكل على الله وربنا يوفقك.
في البدايه أنصحك بالحصول على الموافقه من وزارة الداخليه قبل السفر إلى هناك ، وإلا سوف تندم ( إنتبه لكلمتي هذه ولا تنساها ).
أما بخصوص الأسعار في أغادير ، يا أخي المفروض إنت اللي تنصحنا مو حن خلاص صرت إنت راعي بلد. أنا وجهة نظري إنك تطلب زوجتك أو أهلها البحث لك لإنهم أبخص بالمنطقة وراح يجيبوا لك سعر خيالي ، ما تحلم فيه ، هذا عاد إذا خلوك تسكن برا ، ترى هذا عندهم عيب زوج بنتهم وتسكن برا ، يعني طلع السكن عليك ببلاش....
وطبعا سألت لك خبراء عن الزواج وقالوا تحتاج تقريبا 35 يوما من البدايه للنهايه لإنهاء إجراءات العقد ، وتراك راح تتمشور بين أغادير والرباط لمراجعة السفاره في البدايه والنهايه ( الله يعينك ويساعدك ).
عموما إذا إحتجت أي معلومات أخرى لايردك إلا الكيبورد ، سواء في هذه المشاركه أو برساله خاصة إذا تحب السريه ، والله يوفقك
إلا مدري حن معزومين وإلا لا
المسافر

وانا اقول ليه ما يرد علينا المشرف اثاريك زعل علينا
قصدي ان اي شخص يقول بروح للمغرب مثل اللي يقول بروح للبحرين السمعه شينه حتى لو لم يكن هذا منطقيا ولكن الشاعر يقول
قد قيل ما قيل إن صدقا وإن كذبا ------- فما اعتذارك من قول اذا قيلا
بالنسبة لموافقة وزارة الداخليه انا منطبقة علي شروطهم
بس انا يا حبيبي تعرفت على البنت من النت بطريقة عفوية جدا وصار بيننا علاقة مبنية على الزواج وعجبني دينها وتمسكها بالحجاب وعمرها مناسب لعمري وبعد سنه من العلاقة >>> فواتير الجوال ملايين
حددنا بالتلفون كل شيء على النحو التالي وانااطرحه هنا ليستفيد الجميع من تجربتي
اولا : المهر عشرة الالاف درهم فقط
ثانيا : لايشترط طلب الفيزه مني الا بعد الزواج ونشوف حنا على إيه يعني بعد سنه تقريبا
ثالثا : جميع تكاليف الفرح والهدايا لاتتعدى عشرة الالاف درهم >> وهم يقولون لي مالها داعي وفر فلوسك
رابعا : بعد الزواج والتوفيق بامر الله نقدم على تصريح ونأتي بها للبلد في مدة لاتتجاوز العام الواحد
والبنت بيني وبينكم شاريتني بتراب الفلوس وانا رايح وطي من حسن معاملتها واخلاقها وصلابة دينها
وفعلا اقتراحك يالشاب بأن اهلها هم الذين يبحثون لي عن سكن شيء جميل جدا
وانا ان اراد الله حسب اتفاقنا بنزل باقادير والزواج بعد اسبوع واحد فقط كل شيء مرتب والله الموفق
واذا عندك ملاحظات تفضل بها

1. أخي aku cinta kamu


2. المهر ، ما عليه كلام وتستاهل

أخي aku cinta kamu

الله لا يجيب الزعل بيننا ، بس يا أخي نحن شابكين على النت ليل نهار علشان نرضي ، أعضاء المنتدى ، ونساعدهم قد ما نقدر ، وأنا يصراحة أرد على الجميع ، ولكن في الفتره الأخيره صرت أحاول أتعرف على نهج العضو قبل الرد ، ليش أضيع ساعات و وفي الأخير يأخذ اللي يبيه ويقوم يرد لك ردود بكلام يستحي الإنسان أن يذكره ، إبحث في المنتدى تلقى أعضاء يستفسرون و وأول من يبدأ بالعقار و الغلط على الدول والشعوب هم ، طيب ما يطيق المغرب ولا أهله ، وشوله يروحه ، يدور غيره ، عاد يكفى هم يحتروه يجي ،ولكن إنتبه هذه الفئه نادره جدا جدا ، وعبارتك خلتني ألتبس في الموضوع ، وهالحين فهمتك زين.
أخوي إرفع رأسك وإنت رايح لأي دوله ولا يهمك أحد ، دام مال أحد عليك فضل خل اللي يهرج يهرج لين يشبع ، وهو هامك..........
أعيد وأكرر لابد للحصول على موافقة وزراة الداخليه قبل السفر ( وإلا والله العظيم راح تندم وتتذكر كلامي ، ولولا خوفي عليك ما أصريت عليك ) ، لاتقول تنطبق علي الشروط ، ترى الشروط تعني هل ممكن إنهم ينظرون في أمرك وإلا لا ، فليس كل من إنطبقت عليه الشروط يحصل عليها.

المهر ، ما عليه كلام وتستاهل

الفيزا بعد الزواج بسنه( يا أنك تبي تورط نفسك، شلون تتزوج بالبنت وتدخل بها بدون عقد وتقول بعد سنه ، ترى هذا يعد في قانون المغرب " علاقة غير شرعيه" يعني فيها سجن ، ولا تقول عرفي ترى بعد أخس و أخس ولا هو معترف به عندهم ويعامل نفس ما قبله ، طيب لو جاك مولود وشلون تسجله ، أكرر إنتبه ، وإنهم يعملوا لك عقد من هناك بدون موافقة لا تحلم أبدا أبدا ، فلا تنكب نفسك وبنت الناس معك ، حذاري حذاري)
أرجوا أن تتمعن في كلامي وتقرأه أكثر من مره ، وتفهمه كلمة كلمة ، ويا أخي واجبي أن أنصحك ، وأنت حر في رأيك ، وأي خدمة أنا تحت أمرك ، وأكرر إذا تبي تسأل عن أي شئ يخصك إنت شخصيا وتبيه يكون حاص ، ممكن ترسل لي رساله خاصه عن طريق المنتدى ، ومالك إلا الرد والخصوصية ، وإذا تبي الناس تستفيد أنا في خدمتكم جميعا.
المسافر