أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
والله الفرق في الاسعار شي مو معقول وهذا يدل على الطمع والجشع عند اصحاب المكاتب اللى مايعرفون
عن السياحة الا المزايدة في الاسعار
حبيبي نحن في انتظار ابداعاتك
مرحبا بكم في ماليزيا مشكورين جميعا للمرور انطلقنا في تاريخ 9/6/2006 الساعه 11 ونص ليلا الى مطار دبي ,, وكانت رحله طيبه واليهال استانسوا عبر خطوط الاماراتيه (( وافلام الكرتون )) الي يعرضونها (( وخاصة )) نيمو ... r1) وانا قاعد على اعصابي بالطياره (( لان نهائي كأس العالم )) كان بنفس الليله (( وقاعد )) افرفر بين القنوات وابي أي قناه رياضيه او اخبار او أي شي (( ولكن النتيجه Nothing ) فقعدت اشوف فلم Big Mama 2 واحنا بنص الرحله (( الا الكابتن )) طن طن (( لمتابعي كأس العالم )) انتهت قبل قليل المبااره النهائيه بين فرنسا وايطاليا وانتهت بتعادلهما في الوقت الاصلي والاضافي 1-1 وحسمت المباراه لصالح ايطاليا كلو*28* وش يس اخيرا ايطاليا ( بعد 30 سنه صيام )) جابوا الكاس وبعدها بدقائق ((وصلنا لمطار دبي )) وانا فرحان عالاخر بعد فوز الازوري ودخلنا المطار الا العالم كلها تتابع تحليل المباراه والي منسدح هنيه واهناك واللي العبره بويهه والي متشقق من الفرحه (( حلاتي )) واللي ما يدري وين الله قاطه ومنسدح تحت الكرسي ,,*43* اشوي الا (( نداء الرحله لكوالا )) والحق ما تلحق,,,, (( لين وصلنا اخر ناس )) وركبنا الطياره واقلعنا بحمدلله الى كوالالمبور (( اليهال عطوها برقده محترمه وانا ما خليت فلم ما شفته )) صوره لصالح بسرير الطياره (( ماخذ راحته عدل الحبيب ))*43* وانا ما عرفت ارقد مع اني كنت مواصل فالليله الي قبل السفر علشان يصيح الخشوع بالنوم بالطياره (( ولكن بعد مافي فايده ))*34* وعدينا الوقت يمين يسار الى ان وصلنا بحمدلله الى مطار كوالامبور فالساعه 3 ظهرا (( والرحله مع الامارتيه كانت ممتازه وخدمتهم اكثر من رائعه والحمدلله ما كان في مطبات جويه ,, وهنا طرت على بالي الوالده الله يحفضها يوم اتقولي اخر مره اسافر برحلات طويله ؟؟؟ ليش يمه ؟؟ تشهدت 50 مره والخدمه خايسه _ وكانت راده من ماليزيا مع الوالد والاهل على متن الخطوط الجويه القطريه بنفس اليوم الي انا مسافر فيه (( الصبح )) وانا سافرت بالليل وقلت في بالي شتان ما بين هذا :rolleyes: وذاك )) نرجع لمحور حديثنا ,,,,,, نزلنا من الطياره والدنيا ما شاء الله (( خضاره في خضاره )) وجو طيب ما شاء الله ,, وهذي الشيخه الدانه مستانسه عالطيرات الي حوالينا (( كل شوي )) بابا شوف طياره كبير (( يا ماما الطياره اكبيره مب كبير صايره هنديه انتي ...*70* )) دخلنا المطار وخلصنا اجراءات الدخول وقبل لا تطلع من المطار بتلاقي مكتب على يمينك (( لموزين )) عطيتهم اسم الفندق ودفعت لهم حول 70- 80 رنجت الى منطقة سلانجور,, طلعت من المطار (( الا العالم ملتمه اهناك )) الي ناطر هله والي رافع لوحات بأسامي ( واللي ينادي عليك )) شيخ شيخ تاكسي ( من كثر السياح الخليجين ))*64* قاموا يعرفون لنا ,, فلمحت محل تلفونات (( قلت بس وصلنا خير )) واطلع على طول شريحه من عندهم وبطاقه مسبوقة الدفع واتصلنا بالاهل بالدوحه وطمناهم ,,,, ومن ثم توجهنا الى مدينة سلانجور لقضاء ليلتين من الف ليله وليله والان اترك الصور تتكلم بعد ما غثيتكم بما فيه الكفايه :4v7: فندق صن واي لاجن الخيالي من الداخل والخارج صوره من المقدمه (( اكتشف اني عندي موهبه فالتصوير بهالسفره )) w1:- منظر من حديقة الفندق (( المكان روعه الصراحه )) وهذا المجمع بجانب الفندق مباشره هاي فرعونهم الصغير استانس عليه صلوح عباله حصان لقطه شامله على المجمع التزحلق عالجليد (( وطبعا متنا من الضحك على العليميه الخليجيين )) سدحات على جنب ودبل كيك ومن كل صوب ,,, بس الحمدلله مافي دمان خ*28* الدانه مستانسه واحنا طايحين زط (( علينا بالعافيه )) وهذي بعض الاسواق الشعبيه المجاوره (( واهم شي ان عرفنا مكان كنتاكي )) اليهال (( مب شايفين خير )) من اول ما دشينا الغرفه وهم طايحين تقزقز بالالعاب (( منظر حلو من الدريشه ));) منظر ليلي من الفندق وهنا انكون ختمنا ليله ونص في سلانجور (( وغدا سوف يكون اليوم الاخير في هذه المدينه والتي سوف ننطلق منها الى مدينة الهدوء والجمال (( لنكاوي )) فالساعه ال 8 ونصف ليلا يتبع,,,,
قمنا الصبح ورتبنا الاغراض (( استعدادا للسفر بالليل )) علشان انروح الى المدينه المائيه ونرجع وما ناقصنا غير (( تاخذ لك شور وتروح المطار دايركت )) وهذا خطاء فني (( بقولكم ليش خطاء بعدين *102* )) SuN WaY LagooN هذه المدينه جدا رائعه ومليئه بالفعاليات, ينصح بزيارتها اما في اول ليلتين او اخر ليلتين وهذي الصور من اخر ليله في سلانجور وبالتحديد في SuN WaY LagooN لقطه عامه :: لقطه من الخلف كورنيش اصغير للمشي فالمدينه المائيه (( والفيله بكل مكان ما شاء الله ))** هذي وانا فوق قطار الموت (( لعب في حسبتي )) اهم شي الكاميرا ما طاحت;) وهذي اللعبه الزحلاقيه (( طاخ طيخ ))) وهنا لحظة الوصول (( ممتعه اللعبه )) ** هذي اللعبه (( ما ادري كم مره )) تشهدت فيها تبي الفيوزات تظرب عندك (( دشها )):: وهذي جامعة موناش (( مطله عالمدينه المائيه )) ايه الله يرحم المناظر الي عندنا بالجامعات (( خلني ساكت احسن )) تبي فقع (( روح ورا جامعة قطر )) خ* *43* ** صوره مع القطاوه (( مشتطين يبون يطبون بالبحر )) وفجأتا (( دق المطر علينا )) وقعدنا حول الساعه ناطرين متى يخلص المطر, لان كل الالعاب والفعاليات تتسكر مع هطول الامطار (( حلوه هطول ذي w1:- )) وتعود الحياه من جديد فالاموااج الصناعيه :: لقطه حلوه اتبين الجسر الي يفصل بين كل المدينه وفندق صن واي لاجون بالخلف صوره تبين مدى طول الجسر معرض احجار (( روعه ))) صلوح جاي متحمس والدانه خلصت الماي من كثر ما تغرق وتشرب ** والجماعه مشتطين مع هالامواج الصناعيه (( وعرض الخبرات )) كان ودي انط وياهم (( ولكن )) صعبه علينا أكتفينا باللعب مع العيال :: واليهال يحليلهم (( من قدهم )) مين طفى النور ** وهذه صوره لأسماك جميله جدا واذا حبيت اتأكلهم (( مفيش مشاكل )) بس وناسه والله (( خلصت الاكياس من كثر ما أأكل فيهم ) صوره للعبه بالكهف (( بس ما دشيتها )) صوره من الاعلى للمياه الصناعيه وطبعا الخليجين مصيطرين عالوضع كما هو واضح;)
يتبع,, وبعدين مسكت الدانه (( ودشينا داخل اشوي )) ورديت بعد نص ساعه (( ألا صلوح محد )) يمين يسار فوق تحت الا شووفوا وين صدنا الحبيب عاملي فيها روميو وحبيب ابو صلوح وسفه لنا وراح فعلشان هالحركه والخربطه الي سواها فينا حبيبت اعاقبه (( واألعبه اللعبه الي ما يحبها ))* *28* ها ها ها ها هاي حرويك يا روميو معنى الحب *43* *43* ودخلنا اللحظه الحاسمه والمنتظره والي قد تعلن خطوبته من جولييت اذا نجح بالاختبار r1) ولكن الحبيب (( لعن ابو الساعه الي شاف فيها جولييت )) *43* *43* بعد ما ذاق الامرين وشرب نص البحر ومن بعدها ردينا الفندق والعيال يبون يرقدون ومالهم خلق يشربون حليب حتى (( اتصلت باللموزين )) وجاء الحبيب بعد ما اخرنا نص ساعه عن الموعد المتفق عليه (( ووصلنا المطار )) متأخرين كالعاده , ولكن احدى الاخوات ما قصرت عدتنا عن كل السيد والطابور الي كان موجود (( وطبعا نظرات الحقد كانت واضحه عالبعض )) *34*
واكدنا الحجوزات وطرنا الى لنكاوي (( جنة ماليزيا ))
وهنا نكون قد وصلنا وياكم الى ختام اول ليلتين قضيناها في سلانجور (( ليلتين ولا اروع الصراحه )) ولكن عندي بعض النقاط الي احب اوضحها لكم : اذا كان عندك هاليوم فيه سفره الى مدينه معينه بالطائره (( لا تتعب نفسك ولا ترهق نفسك في الرحلات والمغامرات وخصوصا اذا عندك يهال )) لاني تلعوزت مع اليهال صح (( يبون يرقدون بعد ما لعبوا بالبحر )) وجيت انا وسفرتهم الى لنكاوي (( وانا عبالي عالدعسه الحبايب )) اطلعوا قطاوه صج** والنقطه الثانيه : اذا كان موعد الاقلاع عندك الساعه 8 (( خل اللموزين )) يجيك 5 (( بغض النظر عن ال 45 دقيقه الي تفصلك عن المطار )) ولكن علشان تعمل احساب اذا تأخر ولا حصلت لك ظروف معينه ولا زحمه ولا أي شي (( خصوصا في بلد مثل ماليزيا ) لان اذا راحت عليك الرحله (( الله يعينك )) وين اتلاقي حجز (( كله فل )) r1) وإن شاء الله يكون التقرير الاول حاز على رضاكم واستحسانكم واذا في نقاط او نصائح تحبون تقدمونها لي او أي استفسارات عن ماليزيا (( أنا بالخدمه )) تابعونا وفالكم طيب مع مغامرات روميو الجديده ;)
السلام عليكم ورحمة الله وبركاته مرحبا بكم في لنكاوي وصلنا الى لنكاوي فالساعه 9 تقريبا والرحله كانت عبر الخطوط الماليزيه (( طيران داخلي )) وللامانه الطياره كانت سيئه (( اصغيره وضيقه وخدمه شخباري )) والمطبات الجويه العبت فينا لعب (( ريشه مب طياره )) الرحله استغرقت حوالي من 30 الى 45 دقيقه (( واحنا مثل ما انتوا عارفين )) تعبانين من اللعب في المدينه المائيه (( وصلنا المطار وخلصنا الاجراءات بسرعه )) رحله داخليه ما يشيكون وايد ( سريع سريع ))r1) وانا فالمطار كان في مكتب لموزين (( حجزت لي سياره وتوكلنا الى الفندق )) مع العلم اني غيرت الفندق بعد ما نصحني به وحجزلي على الفندق الجديد على شكل (( HoonY MooN )) .:0x10-: طريقة العرض 1- استكشاف الفندق وما حوله 2- عالم تحت البحار *83* 3- رحله بحريه r1) : : : والان اترك الصور تعبر عن نفسها مع بعض التعليقات.. :0c12-: 1- استكشاف الفندق وما حوله هذا شعار جزيره لنكاوي (( النسر )) : Berjaya Langkawi Beach & Spa Resort Langkawi Island, Malaysia صوره للمطعم بجانب اللوبي (( جايين من سفر وجواعه من قلب )) واذا تبي شغل اسبشل وعلى انفراد (( كل شي موجود )) بس جهز افلوسك HonnY MooN *43* وهذه صوره للفلل (( او )) الاكواخ الي عالبحر من الداخل معلومه : في اكوااخ عالجبل (( على حسب الطلب )) بس الي عالبحر اغلى r1) واحلى بمليون مره وهذه الدانه (( مستانسه بالجو والبحر )) من صباح الله خير w1:- وصالح مب عاجبه الوضع (( أي شي بالغرفه )) يمسكه ويحذفه البحر خلص قواطي العصير الي بالثلاجه:007x1: هذي صورة الاكواخ (( ومن حسن حظي )) الكوخ الي انا فيه (( توهم بانينه )) واوسع واكشخ :0x10-: نفس الي اول (( واحد من عاليسار )) هذي القواعد الي ماسكه الكوخ وهذا المنظر من البلكونه :14v9: وهذ لقطه من الغرفه على السيف وفيه جميع الفعاليات من سباحه واسكوترات والبراشوت و.. وتبدا من الساعه 10 وهذي باصات الفندق (( الي تنقلك من اللوبي الى البيت والعكس )) والربع ذيله (( بتلاقونهم بكل مكان )) يمدحون الموز بهاللحظات (@_@) صوره (( ونحن باتجاه )) عالم تحت البحار محاولة التقاط صوره فنيه
عن السياحة الا المزايدة في الاسعار
حبيبي نحن في انتظار ابداعاتك