كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
msms1
14-03-2022 - 12:35 pm
الله يعافيكم سفرتي بعد 6 ايام ،،وقريت كثير بالمنتدى صراحه شي خيال المعلومات الي موجوده ،،
ورتبت برنامجي بس باقي عندي عدد من الاستفسارات يالي تردون علي فيها بسرعه مابقى لي وقت ،،،
1) ليلتين ب سن واي لاقون ،،اول يوم راح يكون وقت وصولي احد الاخوان اقترح علي ان اذهب إلى سوق ماينز(هو ليس متأكد من الأسم هل هو صحيح وماهو افضل وقت للذهاب إليه حسب إفادته هناك قوارب)
2) الحدائق ب بينيج وخاصة الفواكه هل تنصحون تجنب الذهاب لها وإستبدالها ب حدائق لنكاوي،،
3) الرحلات البحرية (قبلها راح اكون ب بوكيت ومخطط على رحلة بحرية) السؤال ماهو الأفضل الرحلات البحرية ب بينيج أم لانكاوي (وأفضل وقت لهما ، وإذا يوجد رحلة بأسم معين امل تزويدي بها ) ،
4) جنتنق ،،،هل تستحق الزيارة ( لايوجد لدي إلا ليلتين بنهاية البرنامج بكوالا فهل تستحق الذهاب وافضل وقت لها ، وكذالك الفراشات المضيئة حسب معلوماتي انها بعيده جداً هل تستحق الزيارة )،،
آمل منكم إفادتي وعسى الله يوفقكم ويسعدكم،،


التعليقات (9)
البتول
البتول
صن واي لقون جميل وانبسطت فيه بس ماادري عن السوق اللي تتكلم عنه في صن سوق اظن اسمه الاهرام كان مانسيت الاسم
اما الرحلات مافهمت قصدك
اماجنتنق اذا كنت تبي الملاهي والهيصه رح بس الطريق حقها يدوخ
كم بتقعد في ماليزيا وكم عدد الايام في بينانق وكوالا؟
عشان افيدك اكثر

بنت سنعه
بنت سنعه
السوق ألي تتكلم عنه (( الماينز)) هو عبارة عن سوق و تركب سفينة وتتمشى في بحيرة مرة حلوة
و فيه فندق الخيول الذهبية و أحسن وقت للذهاب له هو العصر يعني توصل على العصر تاخذ لفه بالبحيرة
وتنزل الوندر لاند على فكرة الماينز مش في صن واي لاجون يعني أنا أنصحك أول ماتوصل صن واي لاجون
تنزل الملاهي أو تتمشى في السوق وإذا جاء اليوم ثاني أقض الصباح في الملاهي وإذا جاء الظهر يعني
الساعة 3 روح الماينز (( والأسم صحيح "الماينز وندر لاند" ))
بالنسبة لحديقة الفواكة في بينانغ أنا أنصحك تروح لها في بينانغ تخلي لها يوم كاامل تروح أول شي حديقة
الفراشات وبعدين الفواكة و تقدر تطلع الجبل على ما أظن وتروح حديقة التوابل بس أحنا ما قدرنا نروح
لأن صادفنا بعد ماخلصنا حديقة الفراشات وحديقة الفواكة مطر وما قدرنا نروح الجبل وحديقة التوابل
وأنا الصراحة ما عندي فكرة عن لنكاوي لأني مارحت لها
بالنسبة للرحلات البحرية أنا ما فهمت قصدك يعني تقصد رحلة بحرية سياحية يعني ؟؟
والصراحة جنتنج أنا مرة عجبتني أكثر شي عجبني في ماليزيا وطريقها حلوو بس يدوخ شووي
وروح لجنتنج يوم كامل أطلع من الصبح وأرجع المغرب عشان تريحون
وإنشاء الله أكون أفدتك وأي سؤال أنا حاضرة

الباسل2005
الباسل2005
بنت سنعه
الصراحة ما قصرت معاك
واعطتك الزبدة
اتمنى لك سفر سعيد
وبالتوفيق
الباسل

kamilia111
kamilia111
بالنسبة لصن واي لاجون فيها سوق قريب من الفندق اوبالاصح ملاصق له
بالنسبه لحديقة الفواكه ببينانج اذا كنت انت فاضي وتبغى تغير جو روح اما اذا كان عندك مشوار اهم منة روح لمشوارك لان صراحة حديقة الفواكة ماتستحق العناء لها بالرغم من قربها ليست بعيدة
اما بالنسبة للرحلة البحرية انا اخذت في بينانج لجزيرة القرود اما لنكاوي صراحة ماجربت

yamani_2002
yamani_2002
msms1
1) ليلتين ب سن واي لاقون ،،اول يوم راح يكون وقت وصولي احد الاخوان اقترح علي ان اذهب إلى سوق ماينز(هو ليس متأكد من الأسم هل هو صحيح وماهو افضل وقت للذهاب إليه حسب إفادته هناك قوارب)
سوق الماينز مثله مثل اي مجمع تجاري في ماليزيا
وتوجد به القارب (سعر التذكرة 2 رينجت للشخص ) يمر بجانب فندق الخيول الذهبية
يفتح 9 صباحا ويسكر الساعة 10 بالليل
افضل وقت للزيارة يكون بعد الساعة4 العصر وتكون جولتك بالمجمع 4 طوابق بعدهازيارة ملاهي الماينز
احلى مافيه بيت الثلج - عروض فرقة صباح - الملاهي الراقصة على انغام الموسيق - عرض بروجكتر عن ماليزيا 2007
2) الحدائق ب بينيج وخاصة الفواكه هل تنصحون تجنب الذهاب لها وإستبدالها ب حدائق لنكاوي،،
بخصوص الحدائق فانصحك أولا بكولالمبو ثم جزيرة بينيق
3) الرحلات البحرية (قبلها راح اكون ب بوكيت ومخطط على رحلة بحرية) السؤال ماهو الأفضل الرحلات البحرية ب بينيج أم لانكاوي (وأفضل وقت لهما ، وإذا يوجد رحلة بأسم معين امل تزويدي بها ) ،
انا رحت جميع الرحلات البحرية في لنكاوي
شيك على تقريري ومرفق بالتفاصيل والأسعار
https://artravelers.com
4) جنتنق ،،،هل تستحق الزيارة ( لايوجد لدي إلا ليلتين بنهاية البرنامج بكوالا فهل تستحق الذهاب وافضل وقت لها ، وكذالك الفراشات المضيئة حسب معلوماتي انها بعيده جداً هل تستحق الزيارة )،،
احلا مافيها التلفريك وجوها البارد والضباب
الملاهي هناك حلوة لكن توجد افضل منها مثل ملاهي تايمز سكوير ( صالة مغلقة )
بخصوص الفراشات المضيئة هذي اول مرة اسمع عنها
لا تنسى زيارة منتجع افاموزا فهو منتجع بستحق الزيارة

msms1
msms1
كلينكس
الله يعافيك:x1: كلينكس:x1: ،، ويسعدك،،بالأسفل تقرير رحلتي المفصل ،،
2 ليلتين سن واي لاقون
4 ليالي ب بوكيت (موفنبيك)
3 ليالي ب لنكاوي (بيلانجي بيتش)
3 ليالي ب بينينج (بارك رويال)
2 ليلتين آخيره ب كوالا(ماندرين اورينتل)
وسلامتك
بالنسبة للرحلات البحرية،،،،،،اقصد فيها رحلات زي المانجروف في لنكاوي والمنكي ب بينيج فأنا حاب اروح وحده منها ،،ومحتار ويش الأفضل،،،

msms1
msms1
بنت سنعة
تسلمي ودايم داعمه ،،،
ابي اسألك مافهمت قصدك " أنا أنصحك أول ماتوصل صن واي لاجون
تنزل الملاهي أو تتمشى في السوق" تقصدي ملاهي سن واي لاقون وهل السوق في نفس الفندق،،
وبرضه "وإذا جاء اليوم ثاني أقض الصباح في الملاهي وإذا جاء الظهر يعني
الساعة 3 روح الماينز (( والأسم صحيح "الماينز وندر لاند" )) "
هل تقصدين نفس الملاهي تبعت سن واي لاقون؟؟؟
وكم يبعد الماينز وندر لاند عن فندق سن واي لاقون وكم الوقت الي يستاهله؟؟
تحياتي لك وشاكر لك

msms1
msms1
الباسل،،،
تسلم الله يعافيك ويسعدك،،،وبنت سنعه دايم مساعده وهي من ساعدني على اختيار فنادقي وترتيب الرحله ،،الله يعافيكم ،،،
kamilia111
تسلم الله يوفقك وماقصرت،،،انا نفسي اجرب رحلة بحرية وحده بس في ماليزيا ومحتار بين لانكاوي ولا بينيج لرحلة البحرية ،،
yamani_2002
تسلم حبيبي وماقصرت،،،
وراح اشيك على موضوعك واكيد بنستفيد منه ،،وعن التايم سكوير هذا بالعاصمة كوالا صح،،،،ماهو افضل وقت لزيارته بضنك وكم يستاهل من الوقت ،،،،

BUSHARAF
BUSHARAF
جميع الشباب ما قصروا وأعطوك الزبدة ، عندي إضافة بسيطة ممكن تريح راسك ، أول ما تطلع من صالة القدوم في مطار لنكاوي إبحث عن خريطة سياحية للجزيرة ووزارة السياحة تعطيك نسخة مجانية فور خروجك وإذا ما لقيتها أسأل الفندق ، والله إنها ريحتني كثير جدا ورتبت زياراتي كلها ضمن الأربعة ايام اللي قضيتها هناك ، بالتوفيق.
تحياتي


خصم يصل إلى 25%